Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Oseas 8:1-14

8  “Ibutang sa imong baba ang usa ka budyong!+ Siya moabot sama sa usa ka agila+ batok sa balay ni Jehova, tungod kay sila nakalapas sa akong pakigsaad,+ ug nakalapas batok sa akong balaod.+  Sila nagatuaw kanako, ‘Oh akong Diyos, kami, ang Israel, nakaila kanimo.’+  “Ang Israel nagsalikway sa maayo.+ Ipagukod siya sa kaaway.+  Sila nagpahiluna ug mga hari,+ apan dili tungod kanako. Sila nagpahiluna ug mga prinsipe, apan ako wala mahibalo niini. Pinaagi sa ilang plata ug sa ilang bulawan sila naghimo alang sa ilang kaugalingon ug mga idolo,+ aron sila mangalaglag.+  Ang imong nating baka gisalikway,+ Oh Samaria. Ang akong kasuko miinit batok kanila.+ Hangtod kanus-a nga sila dili makapabiling inosente?+  Kay kini gikan sa Israel.+ Usa lamang ka artesano ang nagbuhat niini,+ ug dili ang Diyos; tungod kay ang nating baka sa Samaria mahimong mga tinagsip na lamang.+  “Kay hangin ang ilang ginapugas, ug unos ang ilang anihon.+ Walay nagabarog nga uhay.+ Walay turok nga nagapatunghag harina.+ Kon ugaling adunay magpatungha niini, ang mga estranyo molamoy niini.+  “Ang Israel pagalamyon.+ Karon sila mahiadto taliwala sa kanasoran,+ sama sa usa ka sudlanan nga wala kahimut-i.+  Kay sila nanungas sa Asirya,+ ingon sa usa ka sebra nga nag-inusara.+ Kon bahin sa Epraim, sila nagsuhol ug mga hinigugma.+ 10  Dugang pa, bisan tuod sila nagasuhol kanila taliwala sa kanasoran,+ ako karon magtigom kanila; ug sa makadiyot sila mobatig grabeng kasakit+ tungod sa palas-anon sa hari ug sa mga prinsipe. 11  “Kay si Epraim nagpadaghan sa mga halaran aron makasala.+ Siya nakabaton ug mga halaran aron makasala.+ 12  Ako nagsulat alang kaniya ug daghang butang sa akong balaod;+ kini sila giisip ingon sa butang nga wala hiilhi.+ 13  Ingon nga akong mga halad nga gasa, sila nagpadayon sa paghalad ug unod,+ ug sila nagpadayon sa pagkaon sa wala kahimut-i ni Jehova.+ Karon iyang pagahinumdoman ang ilang kasaypanan ug makighusay tungod sa ilang mga sala.+ Sila mamalik ngadto sa Ehipto.+ 14  Ug ang Israel nahikalimot sa iyang Magbubuhat+ ug nagtukod ug mga templo;+ ug ang Juda, sa iyang bahin, nagpadaghan sa mga kinutaang siyudad.+ Ug ako magpadala gayod ug kalayo nganha sa iyang mga siyudad ug kini maglamoy sa mga puloy-anang torre sa matag usa.”+

Mga Footnote