Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Oseas 7:1-16

7  “Sa panahon nga ayohon ko ang Israel,+ ang kasaypanan sa Epraim madayag usab,+ ug ang daotang mga butang sa Samaria;+ kay sila nanagpamakak,+ ug ang usa ka kawatan misulod; usa ka pundok sa mga bandido midasdas sa gawas.+  Ug sila wala moingon sa ilang kasingkasing+ nga ang tanan nilang pagkadaotan akong hinumdoman.+ Karon ang ilang mga pagpakiglabot naglibot kanila.+ Sila ania sa atubangan sa akong nawong.+  Pinaagi sa ilang pagkadaotan ilang napamaya ang hari, ug, pinaagi sa ilang pagpanglimbong, ang mga prinsipe.+  Silang tanan mananapaw,+ sama sa hudno nga gipasiga sa panadero, nga mihunong sa pag-ukay sa siga pagkahuman sa pagmasa hangtod nga kini mitubo na.  Sa adlaw sa atong hari, gihimong masakiton sa mga prinsipe ang ilang kaugalingon+—adunay kaaligutgot tungod sa bino.+ Iyang gituy-od ang iyang kamot uban sa mga mayubiton.  Kay ilang gipaduol ang ilang kasingkasing nga daw ngadto sa usa ka hudno;+ kini nagadilaab sa sulod nila.+ Sa tibuok gabii ang ilang panadero natulog; sa pagkabuntag ang hudno nasunog nga ingon sa nagadilaab nga kalayo.+  Sila nanginit, silang tanan, sama sa hudno, ug ilang gilamoy ang ilang mga maghuhukom. Ang tanan nilang mga hari nangapukan;+ walay usa kanila nga nagatawag kanako.+  “Kon bahin sa Epraim, siya mismo nakig-ipon sa mga katawhan.+ Ang Epraim nahimong usa ka lingin nga tinapay nga wala baliha.+  Ang mga estranyo milamoy sa iyang kusog,+ ug siya wala mahibalo niini.+ Dugang pa, ang iyang buhok gipang-uban na, apan siya wala mahibalo niini. 10  Ug ang garbo sa Israel nagpamatuod nganha sa iyang nawong,+ ug sila wala mobalik kang Jehova nga ilang Diyos,+ ni nangita sila kaniya tungod niining tanan.+ 11  Ug ang Epraim nahisama sa usa ka walay buot nga salampati+ nga walay kasingkasing.+ Sila mitawag sa Ehipto;+ sila miadto sa Asirya.+ 12  “Bisan asa nga dalan sila molakaw, akong bukharon sa ibabaw nila ang akong pukot.+ Sama sa naglupad nga mga linalang sa kalangitan akong ipaubos sila.+ Akong disiplinahon sila subay sa gitaho ngadto sa ilang katigoman.+ 13  Alaot sila,+ kay sila nangalagiw gikan kanako!+ Ang pagkalaglag alang kanila, kay sila nakalapas batok kanako! Ug akong gitubos sila,+ apan sila namakak batok kanako.+ 14  Ug sila wala magpakitabang kanako uban sa ilang kasingkasing,+ bisan pag sila mitiyabaw diha sa ilang mga higdaanan. Tungod sa ilang mga lugas ug sa tam-is nga bino sila nagbagdoybagdoy na lang;+ sila misukol kanako.+ 15  Ug ako, sa akong bahin, nagdisiplina;+ akong gipalig-on ang ilang mga bukton,+ apan sila nagpadayon sa paglaraw ug daotan batok kanako.+ 16  Ug sila namalik, dili ngadto sa mas hataas;+ sila nahisama sa usa ka luag nga pana.+ Pinaagi sa espada ang ilang mga prinsipe mapukan tungod sa mahukmanong pagsaway sa ilang dila.+ Mao kini ang ilang pagyubit diha sa yuta sa Ehipto.”+

Mga Footnote