Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Oseas 4:1-19

4  Patalinghogi ang pulong ni Jehova, Oh mga anak sa Israel, kay si Jehova may legal nga kaso batok sa mga molupyo sa yuta,+ kay walay kamatuoran+ ni mahigugmaong-kalulot ni kahibalo sa Diyos diha sa yuta.+  Kaylap ang mga pagpanunglo+ ug pagpanglimbong+ ug pagbuno+ ug pagpangawat+ ug pagpanapaw,+ ug ang pagpang-ula ug dugo nagsunodsunod.+  Mao nga ang yuta magbangotan+ ug ang tanang molupyo mahanaw uban sa ihalas nga mananap sa kapatagan ug sa naglupad nga linalang sa kalangitan, ug bisan ang mga isda sa dagat pagatigomon diha sa kamatayon.+  “Hinunoa, ayaw itugot nga may tawong makiglalis,+ ni itugot nga may tawong mobadlong, sanglit ang imong katawhan sama kanilang nakiglalis sa usa ka saserdote.+  Ug ikaw mapandol gayod panahon sa adlaw,+ ug bisan ang usa ka manalagna mapandol uban kanimo, ingon sa kagabhion.+ Ug akong pahilomon ang imong inahan.+  Ang akong katawhan tino nga pahilomon, tungod kay walay kahibalo.+ Tungod kay imong gisalikway ang kahibalo,+ ako magsalikway usab kanimo sa pag-alagad ingon nga akong saserdote;+ ug tungod kay kanunay mong gikalimtan ang balaod sa imong Diyos,+ kalimtan ko gayod usab ang imong mga anak.+  Kon unsa sila kadaghan, mao man usab ang ilang pagpakasala batok kanako.+ Ang akong himaya ilang gibaylo lamang sa kaulawan.+  Ang sala sa akong katawhan mao ang ilang ginalamoy, ug ang ilang kasaypanan ginatinguha sa ilang kalag.+  “Ug ang mahitabo sa katawhan sama usab sa saserdote;+ ug ako makighusay gayod batok kanila tungod sa ilang mga dalan;+ ug ang ilang mga pagpakiglabot akong isumbalik kanila.+ 10  Ug sila mokaon, apan dili mabusog.+ Ang mga babaye ipakasama nila sa mga pampam; apan sila dili mosanay,+ tungod kay sila miundang sa pagtahod kang Jehova.+ 11  Ang pakighilawas ug ang bino ug ang tam-is nga bino mao ang magakuha sa maayong motibo.+ 12  Ang akong katawhan nagpakisayod sa ilang kahoy nga idolo,+ ug ang ilang sungkod nagsaysay kanila; tungod kay ang espiritu sa pakighilawas nagpahisalaag kanila,+ ug pinaagi sa pagpakighilawas sila mibiya gikan sa ilang Diyos.+ 13  Sila naghalad sa mga kinatumyan sa kabukiran,+ ug sila naghimog gipaaso nga halad ibabaw sa kabungtoran,+ ilalom sa nagbuntaog nga kahoy ug sa kahoyng estorake ug sa dakong kahoy, tungod kay ang landong niini maayo man.+ Mao nga ang inyong mga anak nga babaye nakighilawas ug ang inyong mga umagad nga babaye nanapaw. 14  “Dili ako makighusay batok sa inyong mga anak nga babaye tungod kay sila nakighilawas, ug batok sa inyong mga umagad nga babaye tungod kay sila nanapaw. Tungod kay, bahin sa mga lalaki, sila nakig-uban sa mga pampam,+ ug sila naghalad uban sa mga babayeng pampam sa templo;+ ug usa ka katawhan nga dili makasabot+ pagatamaktamakan. 15  Bisan tuod ikaw nagapakighilawas, Oh Israel,+ ayaw itugot nga ang Juda mahimong sad-an,+ ug ayaw kamo pag-adto sa Gilgal,+ ni motungas sa Bet-aven+ ni manumpa ‘Ingon nga si Jehova buhi!’+ 16  Tungod kay, sama sa usa ka gahian nga baka, ang Israel nahimong gahian.+ Karon pagabantayan ba sila ni Jehova sama sa usa ka nating laking karnero sa usa ka halapad nga dapit? 17  Ang Epraim gitipon sa mga idolo.+ Pasagdi siya!+ 18  Sanglit ang ilang serbesa nga gikan sa trigo nahanaw,+ ang babaye ilang gipakasama sa pampam.+ Ang iyang mga tigpanalipod+ nahigugma gayod sa kaulawan.+ 19  Giputos siya sa hangin diha sa mga pako niini.+ Ug sila mangaulaw sa ilang mga halad.”+

Mga Footnote