Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Oseas 1:1-11

1  Ang pulong ni Jehova+ nga midangat kang Oseas+ nga anak nga lalaki ni Beeri sa mga adlaw+ ni Uzzias,+ Jotam,+ Ahaz+ ug Ezequias,+ mga hari sa Juda, ug sa mga adlaw ni Jeroboam+ nga anak nga lalaki ni Joas,+ ang hari sa Israel.  Misugod pagsulti si Jehova pinaagi ni Oseas, ug si Jehova miingon kang Oseas: “Lakaw,+ pagkuhag asawa nga makihilawason ug mga anak sa pakighilawas, tungod kay pinaagi sa pakighilawas ang yuta mitipas gikan sa pagsunod kang Jehova.”+  Ug siya milakaw ug nangasawa kang Gomer nga anak nga babaye ni Diblaim, mao nga siya nagmabdos ug sa ulahi nanganak kaniya ug usa ka lalaki.+  Ug si Jehova miingon kaniya: “Nganli siyag Jezreel,+ kay sa makadiyot na lamang ug ako makighusay tungod sa mga pagpang-ula ug dugo sa Jezreel batok sa balay ni Jehu,+ ug pahunongon ko ang harianong pagmando sa balay sa Israel.+  Ug mahitabo nianang adlawa nga pagabalion ko ang pana+ sa Israel didto sa ubos nga patag sa Jezreel.”  Ug siya nagmabdos sa laing higayon ug nanganak ug babaye. Ug Siya miingon kaniya: “Nganli siyag Lo-ruhama,+ kay dili na ako maluoy+ pag-usab sa balay sa Israel, tungod kay papahawaon ko gayod sila.+  Apan ako maluoy sa balay sa Juda,+ ug ako magluwas kanila pinaagi kang Jehova nga ilang Diyos;+ apan ako dili magluwas kanila pinaagi sa pana o sa espada o sa gubat, sa mga kabayo o sa mga mangangabayo.”+  Ug sa kataposan iyang gilutas si Lo-ruhama, ug siya nagmabdos ug nanganak ug lalaki.  Busa Siya miingon: “Nganli siyag Lo-ami, tungod kay kamo dili akong katawhan ug ako dili mainyoha. 10  “Ug ang gidaghanon sa mga anak sa Israel mahimong sama sa mga balas sa dagat nga dili matakos ni maihap.+ Ug mahitabo nga sa dapit diin ginasulti kanila, ‘Dili ko kamo katawhan,’+ igasulti kanila, ‘Ang mga anak sa buhi nga Diyos.’+ 11  Ug ang mga anak sa Juda ug ang mga anak sa Israel pagatigomon sa tingob+ ug sila magbutang ug usa ka pangulo alang kanila ug manungas gikan sa yuta,+ kay dako unya ang adlaw ni Jezreel.+

Mga Footnote