Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Numeros 36:1-13

36  Ug ang mga pangulo sa mga amahan sa banay sa mga anak ni Gilead nga anak nga lalaki ni Makir+ nga anak nga lalaki ni Manases sa mga banay sa mga anak ni Jose miduol ug misulti sa atubangan ni Moises ug sa mga pangulo, ang mga pangulo sa mga amahan sa mga anak sa Israel,  ug miingon: “Si Jehova nagsugo sa akong ginoo sa paghatag sa yuta nga panulondon pinaagig ripa+ ngadto sa mga anak sa Israel; ug ang akong ginoo gisugo ni Jehova sa paghatag sa panulondon ni Zelopehad nga among igsoong lalaki ngadto sa iyang mga anak nga babaye.+  Kon si bisan kinsa sa mga anak nga lalaki sa laing mga tribo sa mga anak sa Israel makapangasawa kanila, ang panulondon sa maong mga babaye makuha usab gikan sa panulondon sa among mga amahan ug igadugang sa panulondon sa tribo diin adto sila mahisakop, sa ingon kini makuha gikan sa among kabahinan sa panulondon.+  Karon kon moabot ang Tinghugyaw+ alang sa mga anak sa Israel, ang panulondon sa maong mga babaye igadugang usab sa panulondon sa tribo diin adto sila mahisakop; sa ingon ang ilang panulondon makuha gikan sa panulondon sa tribo sa among mga amahan.”  Unya si Moises nagsugo sa mga anak sa Israel sumala sa sugo ni Jehova, nga nag-ingon: “Ang tribo sa mga anak ni Jose nagasulti sa matarong.  Kini mao ang pulong nga gisugo ni Jehova alang sa mga anak nga babaye ni Zelopehad,+ nga nag-ingon, ‘Sila mahimong asawa niadtong maayo sa ilang panan-aw. Apan ngadto lamang sa banay sa tribo sa ilang mga amahan nga sila mahimong mga asawa.+  Ug kinahanglan nga walay panulondon sa mga anak sa Israel ang ipasa gikan sa usa ka tribo ngadto sa lain, tungod kay ang matag usa sa mga anak sa Israel kinahanglang magpabilin sa panulondon sa tribo sa iyang mga katigulangan.  Ug ang tagsatagsa ka anak nga babaye nga makapanag-iya ug panulondon sa mga tribo sa mga anak sa Israel, siya kinahanglang mahimong asawa sa usa ka lalaki nga sakop sa banay sa tribo sa iyang amahan,+ aron ang matag usa sa mga anak sa Israel makapanag-iya sa panulondon sa iyang mga katigulangan.  Ug kinahanglan nga walay panulondon nga ipasa gikan sa usa ka tribo ngadto sa lain, tungod kay ang mga tribo sa mga anak sa Israel kinahanglang magpabilin ang tagsatagsa sa kaugalingong panulondon niini.’” 10  Ingon sa gisugo ni Jehova kang Moises, mao ang gibuhat sa mga anak nga babaye ni Zelopehad.+ 11  Busa si Mala, si Tirza ug si Hogla ug si Milca ug si Noa, ang mga anak nga babaye ni Zelopehad,+ nahimong mga asawa sa mga anak nga lalaki sa mga igsoong lalaki sa ilang amahan. 12  Sila nahimong mga asawa sa pipila sa mga banay sa mga anak ni Manases nga anak nga lalaki ni Jose, aron nga ang ilang panulondon magpabilin sa tribo sa banay sa ilang amahan. 13  Kini mao ang mga sugo+ ug ang hudisyal nga mga hukom nga gisugo ni Jehova pinaagi kang Moises ngadto sa mga anak sa Israel didto sa desyertong kapatagan sa Moab haduol sa Jordan sa Jerico.+

Mga Footnote