Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Numeros 30:1-16

30  Unya si Moises misulti ngadto sa mga pangulo+ sa mga tribo sa mga anak sa Israel, nga nag-ingon: “Kini mao ang pulong nga gisugo ni Jehova:  Kon ang usa ka tawo manaad+ kang Jehova o manumpa+ ug usa ka panumpa nga ibugkos ang iyang kalag sa usa ka saad sa paglikay,+ kinahanglan nga siya dili maglapas sa iyang pulong.+ Magabuhat siya sumala sa tanan nga migula sa iyang baba.+  “Ug kon ang usa ka babaye manaad kang Jehova+ o ibugkos niya ang iyang kaugalingon sa usa ka saad sa paglikay diha sa balay sa iyang amahan panahon sa iyang pagkabatan-on,  ug ang iyang amahan makadungog sa iyang panaad o sa iyang saad sa paglikay nga iyang gibugkos sa iyang kalag ug ang iyang amahan magpakahilom maylabot kaniya, ang tanan niyang panaad magpadayon, ug ang tanang saad sa paglikay+ nga iyang gibugkos sa iyang kalag magpadayon.  Apan kon ang iyang amahan nagdili kaniya sa adlaw sa iyang pagkadungog sa tanan niyang panaad o sa iyang mga saad sa paglikay nga iyang gibugkos sa iyang kalag, kini dili magpadayon, apan si Jehova magpasaylo kaniya, tungod kay gidid-an siya sa iyang amahan.+  “Apan, kon siya gipanag-iya sa usa ka bana, ug anaa ibabaw kaniya ang iyang panaad+ o ang wala-hunahunaa nga saad sa iyang mga ngabil nga iyang gibugkos sa iyang kalag,  ug ang iyang bana makadungog niini ug magpakahilom maylabot kaniya sa adlaw sa iyang pagkadungog niini, ang iyang mga panaad magpadayon usab o ang iyang saad sa paglikay nga iyang gibugkos sa iyang kalag magpadayon.+  Apan kon ang iyang bana sa adlaw sa pagkadungog niini magdili kaniya,+ siya nagnulo usab sa iyang panaad nga anaa ibabaw kaniya o ang wala-hunahunaa nga saad sa iyang mga ngabil nga iyang gibugkos sa iyang kalag, ug si Jehova magpasaylo kaniya.+  “Kon bahin sa panaad sa usa ka babayeng balo o sa usa ka diborsiyada, ang tanan nga iyang gibugkos sa iyang kalag magpadayon batok kaniya. 10  “Apan, kon diha sa balay sa iyang bana nga siya nanaad o nagbugkos sa iyang kalag sa usa ka saad sa paglikay+ pinaagi sa usa ka panumpa, 11  ug ang iyang bana nakadungog niini ug nagpakahilom maylabot kaniya, siya wala magdili kaniya; ug ang tanan niyang panaad magpadayon o ang bisan unsang saad sa paglikay nga iyang gibugkos sa iyang kalag magpadayon. 12  Apan kon ang iyang bana nagnulo gayod niini sa adlaw sa iyang pagkadungog sa bisan unsang pulong sa iyang mga ngabil ingon nga iyang mga panaad o ingon nga usa ka saad sa paglikay sa iyang kalag, kini sila dili magpadayon.+ Ang iyang bana nagnulo niini, ug si Jehova magpasaylo kaniya.+ 13  Ang bisan unsang panaad o bisan unsang saad sa paglikay nga magasakit sa kalag,+ ang iyang bana maglig-on niini o ang iyang bana magnulo niini. 14  Apan kon ang iyang bana magpakahilom gayod maylabot kaniya sa adlaw-adlaw, siya naglig-on usab sa tanan niyang panaad o sa tanan niyang saad sa paglikay nga anaa ibabaw kaniya.+ Siya naglig-on niini tungod kay siya nagpakahilom maylabot kaniya sa adlaw sa iyang pagkadungog niini. 15  Ug kon siya sa bug-os magnulo niini human sa iyang pagkadungog niini, siya gayod usab ang magpas-an sa kasaypanan sa iyang asawa.+ 16  “Kini mao ang mga regulasyon nga gisugo ni Jehova kang Moises tali sa usa ka bana ug sa iyang asawa,+ tali sa usa ka amahan ug sa iyang anak nga babaye panahon sa iyang pagkabatan-on diha sa balay sa iyang amahan.”+

Mga Footnote