Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Numeros 19:1-22

19  Ug si Jehova misulti kang Moises ug kang Aaron, nga nag-ingon:  “Kini maoy usa ka lagda sa balaod nga gisugo ni Jehova, nga nag-ingon, ‘Sultihi ang mga anak sa Israel nga sila kinahanglang magkuha alang kanimo ug usa ka himsog mapulang baka nga walay depekto+ ug wala pa masangoni ug yugo.+  Ug inyong ihatag kini kang Eleasar nga saserdote, ug iyang dad-on kini sa gawas sa kampo, ug ihawon kini sa atubangan niya.  Unya si Eleasar nga saserdote magkuha ug bahin sa dugo niini pinaagi sa iyang tudlo, ug sa kapito magawisik ug bahin sa dugo nganha sa atubangan sa tolda nga tagboanan.+  Ug ang baka kinahanglang pagasunogon sa atubangan sa iyang mga mata. Pagasunogon ang panit niini ug ang unod niini ug ang dugo niini uban sa kinalibang niini.+  Ug ang saserdote magkuha ug kahoyng sedro+ ug hisopo+ ug hilo nga sanag-pula+ gikan sa coccus ug ilabay kini sa taliwala sa gisunog nga baka.  Ug ang saserdote magalaba sa iyang mga besti ug magaligo sa iyang unod sa tubig, ug human niana siya makasulod na sa kampo; apan ang saserdote mamahugaw hangtod sa gabii.  “‘Ug ang usa nga nagsunog niini maglaba sa iyang mga besti sa tubig ug magligo sa iyang unod sa tubig,+ ug siya mamahugaw hangtod sa gabii.  “‘Ug ang usa ka tawo nga hinlo maghipos sa abo+ sa baka ug ibutang kini sa gawas sa kampo sa usa ka hinlo nga dapit; ug kini magsilbi sa katigoman sa mga anak sa Israel ingon nga butang nga pagatipigan alang sa tubig sa paghinlo.+ Kini usa ka halad-sa-sala. 10  Ug ang usa nga naghipos sa abo sa baka maglaba sa iyang mga besti ug mamahugaw hangtod sa gabii.+ “‘Ug sa mga anak sa Israel ug sa langyaw nga pumoluyo nga nagpuyo ingon nga langyaw taliwala kanila, kini magsilbi nga usa ka lagda hangtod sa panahong walay tino.+ 11  Si bisan kinsa nga makahikap sa patay nga lawas sa usa ka tawhanong kalag+ mamahugaw usab sa pito ka adlaw.+ 12  Kinahanglan niyang putlion ang iyang kaugalingon pinaagi niini sa ikatulo ka adlaw,+ ug sa ikapito ka adlaw siya mamahinlo. Apan kon dili niya putlion ang iyang kaugalingon sa ikatulo ka adlaw, nan sa ikapito ka adlaw siya dili mamahinlo. 13  Ang bisan kinsang maghikap ug patayng lawas, nga kalag ni bisan kinsang tawong mamatay, ug kinsa dili magputli sa iyang kaugalingon, naghugaw sa tabernakulo ni Jehova,+ ug kana nga kalag pagaputlon gikan sa Israel.+ Tungod kay ang tubig alang sa paghinlo+ wala ikawisik kaniya, siya magpabiling mahugaw. Ang iyang kahugawan anaa gihapon kaniya.+ 14  “‘Kini mao ang balaod kon ang usa ka tawo mamatay diha sa usa ka tolda: Ang tanan nga mosulod sa tolda, ug ang tanan nga anaa sa tolda, mahimong mahugaw sulod sa pito ka adlaw. 15  Ug ang tanang bukas nga sudlanan+ nga walay taklob nga gihigot niana maoy mahugaw. 16  Ug ang tanang anaa sa kapatagan nga makahikap sa tawong gipatay sa espada+ o sa patayng lawas o sa bukog+ sa tawo o sa lubnganan mahimong mahugaw sulod sa pito ka adlaw. 17  Ug alang kaniya nga mahugaw sila magakuhag abog sa gisunog nga halad-sa-sala ug magbutang ug lab-as nga tubig niini sulod sa usa ka sudlanan. 18  Unya ang usa ka tawong mahinlo+ magkuhag hisopo+ ug magtuslob niini sa tubig ug magwisik niini sa tolda ug sa tanang sudlanan ug sa mga kalag nga atua didto ug sa usa nga nakahikap sa bukog o sa usa nga gipatay o sa patayng lawas o sa lubnganan. 19  Ug ang tawong mahinlo magwisik niini sa tawong mahugaw sa ikatulo ka adlaw ug sa ikapito ka adlaw ug pagaputlion siya gikan sa sala sa ikapito ka adlaw;+ ug siya maglaba sa iyang mga besti ug maligo sa tubig, ug siya mamahinlo sa pagkagabii. 20  “‘Apan ang tawo nga mahimong mahugaw ug kinsa dili magputli sa iyang kaugalingon, nan, kana nga kalag pagaputlon+ gikan sa taliwala sa kongregasyon, tungod kay sangtuwaryo ni Jehova ang iyang gihugawan. Ang tubig alang sa paghinlo wala ikawisik kaniya. Siya mahugaw. 21  “‘Ug kini magsilbing usa ka lagda hangtod sa panahong walay tino alang kanila, nga ang usa nga magwisik sa tubig alang sa paghinlo kinahanglang maglaba sa iyang mga besti,+ usab ang usa nga maghikap sa tubig alang sa paghinlo. Siya mahimong mahugaw hangtod sa pagkagabii. 22  Ug ang bisan unsa nga mahikapan sa usa nga mahugaw mahimong mahugaw,+ ug ang kalag nga magahikap niana mahimong mahugaw hangtod sa pagkagabii.’”+

Mga Footnote