Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Nehemias 1:1-11

1  Ang mga pulong ni Nehemias+ nga anak nga lalaki ni Hacalias: Karon nahitabo sa bulan sa Kislev,+ sa ikakawhaan+ ka tuig, nga ako didto sa kastilyo sa Susan.+  Unya si Hanani,+ usa sa akong mga igsoon, miabot, siya ug ang ubang mga tawo gikan sa Juda, ug akong gipangutana+ sila bahin sa mga Hudiyo,+ kadtong mga nakaikyas,+ nga nahibilin gikan sa pagkabinihag,+ ug usab bahin sa Jerusalem.  Busa sila miingon kanako: “Kadtong nanghibilin, nga nahibilin gikan sa pagkabinihag, didto sa sakop nga distrito,+ anaa sa daotan kaayong kahimtang+ ug sa kaulawan;+ ug ang paril+ sa Jerusalem nalumpag, ug ang mismong mga ganghaan+ niini nangasunog sa kalayo.”  Ug nahitabo nga, sa pagkadungog ko gayod niining mga pulonga, ako milingkod ug mihilak ug nagbangotan sulod sa daghang adlaw, ug ako nagpadayon pagpuasa+ ug nag-ampo atubangan sa Diyos sa mga langit.+  Ug ako nagkanayon: “Ah, Jehova nga Diyos sa mga langit, ang Diyos nga dako ug makalilisang,+ nga nagatuman sa pakigsaad+ ug mahigugmaong-kalulot ngadto kanila nga nahigugma kaniya+ ug nagatuman sa iyang mga sugo,+  palihog, himoang matinagdanon ang imong igdulungog+ ug bukha ang imong mga mata, aron pamatian ang pag-ampo sa imong alagad,+ nga akong ginaampo sa imong atubangan karong adlawa, adlaw ug gabii,+ mahitungod sa mga anak sa Israel nga imong mga alagad, samtang nagasugid+ mahitungod sa mga sala+ sa mga anak sa Israel nga among nahimo batok kanimo. Kami nakasala, ako ug ang balay sa akong amahan.+  Kami nagdinaotan gayod batok kanimo+ ug wala motuman sa mga sugo+ ug sa mga regulasyon+ ug sa hudisyal nga mga hukom+ nga imong gihatag agig sugo kang Moises nga imong alagad.+  “Hinumdomi,+ palihog, ang pulong nga imong gisugo kang Moises nga imong alagad, nga nag-ingon, ‘Kon kamo, sa inyong bahin, dili magmatinumanon, ako, sa akong bahin, magpatibulaag kaninyo taliwala sa mga katawhan.+  Kon kamo makabalik na kanako+ ug makatuman na sa akong mga sugo+ ug makabuhat kanila,+ bisan pag ang inyong natibulaag nga katawhan atua sa tumoy sa kalangitan, gikan didto tapokon+ ko sila ug dad-on ko gayod sila+ sa dapit nga akong gipili nga pagapuy-an sa akong ngalan.’+ 10  Ug sila imong mga alagad+ ug imong katawhan,+ nga imong gitubos pinaagi sa imong dakong gahom+ ug pinaagi sa imong kusganong kamot.+ 11  Ah, Jehova, palihog, himoang matinagdanon ang imong igdulungog sa pag-ampo sa imong alagad ug sa pag-ampo+ sa imong mga alagad nga nahimuot sa pagkahadlok sa imong ngalan;+ ug, palihog, ihatag ang kalamposan sa imong alagad karong adlawa+ ug himoang kaluy-an siya sa atubangan niining tawhana.”+ Ug ako usa ka magtitiing+ sa hari.

Mga Footnote