Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Nahum 3:1-19

3  Alaot ang siyudad nga nagaula ug dugo.+ Siya bug-os napuno sa panglimbong ug sa pagpanulis. Ang tukbonon wala mopahilayo!  Anaa ang hinagiyos sa latigo+ ug ang kabanha sa kinagilkil sa ligid, ug ang nagadasdas nga kabayo ug ang nagauntol-untol nga karo.+  Ang nagsakay nga mangangabayo, ug ang siga sa espada, ug ang pangidlap sa bangkaw,+ ug ang panon sa mga pinatay, ug ang dakong tapok sa mga patayng lawas; ug walay pagkatapos sa mga minatay. Sila nangapandol taliwala sa ilang mga minatay;  tungod sa kadaghan sa mga buhat sa pagpamampam sa usa ka pampam,+ nga makabibihag, usa ka babayeng batid sa pamarang, siya nga nagalit-ag sa kanasoran pinaagi sa iyang mga buhat sa pagpamampam ug sa mga banay pinaagi sa iyang pagpamarang.+  “Tan-awa! Ako batok kanimo,”+ mao ang giingon ni Jehova sa mga panon, “ug tukason ko ang imong saya nganha sa imong nawong, ug ipakita ko sa kanasoran ang imong pagkahubo,+ ug sa mga gingharian ang imong kaulawan.  Ug ilabay ko kanimo ang dulumtanang mga butang,+ ug ikaw himoon ko nga talamayon; ug ipahimutang ko ikaw ingon nga talan-awon.+  Ug mahitabo nga ang tanang makakita kanimo mokalagiw gikan kanimo+ ug magaingon, ‘Ang Nineve gilaglag! Kinsa ang moduyog sa iyang kasubo?’ Asa ako mangita ug mga maghuhupay alang kanimo?  Mas maayo ka ba kay kang No-amon,+ nga nahimutang sa daplin sa kasapaan sa Nilo?+ Ang katubigan naglibot kaniya, kansang bahandi mao ang dagat, kansang paril naggikan sa dagat.  Ang Etiopia mao ang iyang bug-os nga gahom, ang Ehipto usab;+ ug kana walay kinutoban. Ang Put ug ang mga Libyanhon mao ang imong magtatabang.+ 10  Siya, usab, alang sa pagkadestiyero; siya nabihag.+ Ang iyang mga anak usab gidugmok diha sa ulohan sa tanang dalan;+ ug ilang giripahan+ ang iyang dungganong mga lalaki, ug ang tanan niyang dagkong tawo gigapos sa mga talikala.+ 11  “Ikaw usab mahubog;+ ikaw mahimong tinago.+ Ikaw usab mangita ug salipdanan gikan sa kaaway.+ 12  Ang tanan nimong kinutaang dapit mahisama sa mga kahoyng igos uban sa unang hinog nga mga bunga, nga, kon sila uyogon, matagak ngadto sa baba sa kumakaon.+ 13  “Tan-awa! Ang imong katawhan sa imong taliwala maoy mga babaye.+ Ang mga ganghaan sa imong yuta mabuksan gayod alang sa imong mga kaaway. Pagalamyon sa kalayo ang imong mga trangka.+ 14  Pagkalos ug tubig alang sa paglikos.+ Palig-ona ang imong mga kinutaang dapit.+ Umadto ka sa lapok, ug magyatak ka sa yutang-kulonon; hawiri ang hulmahanan sa tisa. 15  Bisan didto ang kalayo magalamoy kanimo. Usa ka espada maglaglag kanimo.+ Kini magalamoy kanimo sama sa mga lukton.+ Magpadaghan ka pag-ayo sama sa mga lukton; magpadaghan ka pag-ayo sama sa dulon. 16  Imong gipadaghan ang imong mga magpapatigayon labaw sa mga bituon sa kalangitan.+ “Kon bahin sa mga lukton, kini nagaluno; unya kini molupad. 17  Ang imong mga guwardiya sama sa mga dulon, ug ang imong tigrekluta nga mga opisyal sama sa panon sa mga dulon. Nagkampo sila sa toril nga mga bato sa matugnaw nga adlaw. Ang adlaw misidlak, ug sila mikalagiw sa halayo; ug ang ilang dapit wala mahibaloi kon diin sila.+ 18  “Ang imong mga magbalantay nagduka,+ Oh hari sa Asirya; ang imong mga halangdon nagpabilin sa ilang mga pinuy-anan.+ Ang imong mga katawhan nagkatibulaag ibabaw sa kabukiran, ug walay nagatigom kanila.+ 19  Walay kahupayan sa imong katalagman. Ang imong hampak nahimong walay pagkaayo.+ Ang tanang makadungog sa taho bahin kanimo magpakpak gayod sa ilang mga kamot kanimo;+ tungod kay kinsa ba ang wala hiagii kanunay sa imong pagkadaotan?”+

Mga Footnote