Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Miqueas 5:1-15

5  “Niining higayona ikaw nagsamadsamad sa imong kaugalingon,+ Oh anak nga babaye sa pagsulong; siya naglibot batok kanato.+ Pinaagi sa olisi sila maghampak sa aping sa maghuhukom sa Israel.+  “Ug ikaw, Oh Betlehem Eprata,+ nga gamay kaayo aron mahiapil taliwala sa linibo sa Juda,+ gikan kanimo+ mogula alang kanako ang usa nga mahimong magmamando sa Israel,+ kansang kagikan maoy gikan pa sa unang kapanahonan, gikan sa mga adlaw sa panahong walay tino.+  “Busa iyang biyaan sila+ hangtod sa panahon nga kadtong manganak makapahimugso na.+ Ug ang nahibilin sa iyang kaigsoonan mamalik ngadto sa mga anak sa Israel.  “Ug siya motindog ug magbantay sa iyang panon diha sa kusog ni Jehova,+ sa pagkalabaw sa ngalan ni Jehova nga iyang Diyos.+ Ug sila magpadayon sa pagpuyo,+ kay karon siya mahimong dako hangtod sa mga kinatumyan sa yuta.+  Ug kini siya mahimong pakigdait.+ Bahin sa Asiryanhon, sa dihang siya moanhi sa atong yuta ug sa dihang siya motamak sa atong mga puloy-anang torre,+ kita magpatindog usab batok kaniya ug pito ka magbalantay, oo, walo ka duke gikan sa katawhan.  Ug sila magbantay sa yuta sa Asirya pinaagi sa espada,+ ug sa yuta ni Nimrod+ sa mga ganghaan niini. Ug siya magpahinabog kaluwasan gikan sa Asiryanhon,+ sa dihang siya moanhi sa atong yuta ug sa dihang siya motamak sa atong teritoryo.  “Ug ang mga nahibilin ni Jacob+ mahimong sama sa yamog gikan kang Jehova sa taliwala sa daghang mga katawhan,+ sama sa dagayang ulan sa katanoman,+ nga wala maglaom sa tawo o maghulat sa mga anak sa yutan-ong tawo.+  Ug ang mga mahibilin ni Jacob sa taliwala sa kanasoran, sa taliwala sa daghang mga katawhan, mahimong sama sa usa ka leyon sa taliwala sa mga mananap sa kalasangan, sama sa usa ka may-lambungay nga nating leyon sa taliwala sa mga panon sa karnero, nga, sa dihang kini moagi, magyatak ug magkuniskunis;+ ug walay manluluwas.  Ang imong kamot igabayaw ibabaw sa imong mga kaaway,+ ug ang tanan mong mga kaaway pagalaglagon.”+ 10  “Ug mahitabo nianang adlawa,” mao ang giingon ni Jehova, “nga akong pamatyon ang imong mga kabayo gikan sa imong taliwala ug laglagon ang imong mga karo.+ 11  Ug gun-obon ko ang mga siyudad sa imong yuta ug pukanon ang tanan nimong kinutaang mga dapit.+ 12  Ug wagtangon ko ang pagpamarang gikan sa imong kamot, ug ikaw dili na makabaton ug mga salamangkero.+ 13  Ug gun-obon ko ang imong mga kinulit nga larawan ug ang imong mga haligi gikan sa imong taliwala, ug ikaw dili na moyukbo sa ginama sa imong mga kamot.+ 14  Ug ibton ko ang imong sagradong mga poste+ gikan sa imong taliwala ug laglagon ang imong mga siyudad. 15  Ug diha sa kasuko ug sa kaaligutgot ako magpahamtang ug panimalos sa kanasoran nga wala magatuman.”+

Mga Footnote