Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Miqueas 3:1-12

3  Ug ako miingon: “Patalinghog, palihog, kamong mga pangulo ni Jacob ug kamong mga komandante sa balay sa Israel.+ Dili ba inyong katungdanan ang pagkahibalo sa hustisya?+  Kamong nagadumot sa maayo+ ug nahigugma sa pagkadaotan,+ nga naglaksi sa panit sa katawhan gikan kanila ug sa ilang unod gikan sa ilang mga bukog;+  kamo nga nagkaon usab sa unod sa akong katawhan,+ ug nagpanit kanila, ug naggupok sa ilang mga bukog, ug nagdugmok niini sama nianang anaa sa kawa ug sama sa unod sulod sa kulon.+  Nianang panahona sila magpakitabang kang Jehova, apan siya dili motubag kanila.+ Ug iyang itago ang iyang nawong gikan kanila sa maong panahon,+ sumala sa ilang gihimong pagkadaotan sa ilang mga pagpakiglabot.+  “Mao kini ang giingon ni Jehova batok sa mga manalagna nga nagpasalaag sa akong katawhan,+ nga nagapaak pinaagi sa ilang mga ngipon+ ug nagasinggit, ‘Pakigdait!’+ nga, sa dihang si bisan kinsa walay gibutang diha sa ilang mga baba, nagabalaan usab sa gubat batok kaniya,+  ‘Busa mainyo ang kagabhion,+ mao nga walay panan-awon;+ ug mainyo ang kangitngit, aron walay pagpanag-an. Ug ang adlaw mosalop diha sa mga manalagna, ug ang adlaw mongitngit ibabaw kanila.+  Ug ang mga bisyonaryo+ mangaulaw,+ ug ang mga mananag-an+ mahigawad. Ug sila magtabon sa bigote,+ silang tanan, kay walay tubag gikan sa Diyos.’”+  Ug, sa laing bahin, ako napuno sa gahom, pinaagi sa espiritu ni Jehova, ug sa hustisya ug pagkagamhanan,+ aron isulti kang Jacob ang iyang pagsukol ug sa Israel ang iyang sala.+  Patalinghog, palihog, niini, kamong mga pangulo sa balay ni Jacob ug kamong mga komandante sa balay sa Israel,+ ang mga nagadumot sa hustisya ug nagabaliko sa tanang butang nga matul-id;+ 10  nga nagatukod sa Zion pinaagi sa mga pag-ula ug dugo ug sa Jerusalem pinaagi sa pagkadili-matarong.+ 11  Ang iyang mga pangulo naghukom tungod lamang sa hiphip,+ ug ang iyang mga saserdote nagtudlo tungod lamang sa suhol,+ ug ang iyang mga manalagna nanag-an tungod lamang sa salapi;+ bisan pa niana sila nagasandig kang Jehova, nga nag-ingon: “Dili ba si Jehova ania man sa atong taliwala?+ Walay modangat kanato nga katalagman.”+ 12  Busa tungod kaninyo ang Zion pagadarohon ingon sa usa lamang ka uma, ug ang Jerusalem mahimong tipun-og sa kagun-oban,+ ug ang bukid sa balay mahisama sa hatag-as nga mga dapit sa usa ka lasang.

Mga Footnote