Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Miqueas 2:1-13

2  “Alaot kadtong nagalaraw sa makadaot, ug kadtong nagabuhat sa daotan, diha sa ilang mga higdaanan!+ Sa kahayag sa kabuntagon ilang gibuhat kini,+ tungod kay kini anaa sa gahom sa ilang kamot.+  Ug gitinguha nila ang kaumahan ug gisakmit kini;+ ang mga balay usab, ug giagaw kini; ug gitikasan nila ang usa ka tawo nga lig-on ug lawas ug ang iyang panimalay,+ ang usa ka tawo ug ang iyang panulondon.+  “Busa mao kini ang giingon ni Jehova, ‘Ania, ako naghunahunag usa ka katalagman+ batok niining banaya,+ nga gikan niana kamo dili makaibot sa inyong mga liog,+ aron kamo dili maglakaw nga mapahitas-on;+ tungod kay kini usa ka panahon sa katalagman.+  Nianang adlawa adunay magpatugbaw sa usa ka panultihon+ labot kaninyo ug tinong magminatay, magminatay gayod.+ Adunay magaingon: “Kami giagawan gayod!+ Ang bahin sa akong katawhan iyang giusab.+ Iya gayod kining gikuha gikan kanako! Ngadto sa dili-matinumanon iyang gibahin ang among kaumahan.”  Busa ikaw walay bisan usa nga mag-itsa sa pisi, pinaagig ripa,+ diha sa kongregasyon ni Jehova.  Ayaw kamo pagsulti.+ Sila nagasulti. Sila dili magasulti mahitungod niining mga butanga. Ang mga pagpakaulaw dili mobiya.+  “‘Ginaingon ba, Oh balay ni Jacob:+ “Wala ba makontento ang espiritu ni Jehova, o kini ba ang iyang mga pagpakiglabot?”+ Dili ba makaayo ang akong mga pulong+ kaniya nga nagalakaw sa katul-id?+  “‘Ug sa dili pa dugay ang akong katawhan mitindog ingong usa gayod ka kaaway.+ Gikan sa atubangan sa usa ka besti inyong gilangkat ang halangdong dayandayan, gikan kanila nga nangagi nga masaligon, sama niadtong namauli gikan sa gubat.  Ang kababayen-an sa akong katawhan inyong gipapahawa gikan sa balay diin ang usa ka babaye adunay tumang kalipay. Gikan sa iyang mga anak inyong gikuha ang akong kahalangdon,+ hangtod sa panahong walay tino.+ 10  Tindog ug lakaw,+ tungod kay kini dili dapit-pahulayan.+ Tungod kay siya nahimo mang mahugaw,+ adunay pagpangguba; ug ang pagpangguba nga buluhaton masakit.+ 11  Kon ang usa ka tawo, nga nagalakaw sunod sa hangin ug sa kabakakan, mamakak:+ “Ako magasulti kanimo mahitungod sa bino ug sa makahubog nga ilimnon,” siya mahimong mao usab gayod ang magasulti alang niini nga katawhan.+ 12  “‘Tigomon ko gayod ang Jacob, kamong tanan;+ sa walay pakyas tapokon ko ang mga nahibilin sa Israel.+ Hiusahon ko sila, sama sa usa ka panon sa mga karnero diha sa toril, sama sa usa ka panon sa kahayopan taliwala sa sibsibanan niini;+ kini sila mahimong saba tungod sa mga tawo.’+ 13  “Ang usa nga magabukas ug alagianan moabot gayod sa ilang atubangan:+ sila moagi gayod. Ug sila moagi sa ganghaan, ug sila mogula pinaagi niini.+ Ug ang ilang hari moagi sa ilang atubangan, uban kang Jehova nga mag-una kanila.”+

Mga Footnote