Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Malaquias 4:1-6

4  “Kay, tan-awa! ang adlaw moabot nga nagdilaab sama sa hudno,+ ug ang tanang mapangahason ug ang tanan nga nagabuhat sa pagkadaotan mahimong sama sa dagami.+ Ug ang adlaw nga moabot molamoy gayod kanila,” miingon si Jehova sa mga panon, “mao nga walay mahibilin kanila nga gamot o sanga.+  Ug kaninyo nga nahadlok sa akong ngalan ang adlaw sa pagkamatarong mosidlak gayod,+ nga may pagpang-ayo sa mga pako niini;+ ug kamo mogula ug magpanikad sa yuta sama sa mga nating baka nga pinatambok.”+  “Ug kamo magtamak gayod sa mga daotan, kay sila mahisama sa abog ilalom sa mga lapalapa sa inyong mga tiil sa adlaw nga akong himoon kini,”+ miingon si Jehova sa mga panon.  “Hinumdomi ninyo ang balaod ni Moises nga akong alagad nga akong gisugo kaniya didto sa Horeb mahitungod sa tibuok Israel, bisan ang mga regulasyon ug hudisyal nga mga hukom.+  “Tan-awa! Ipadala ko kaninyo si Elias nga manalagna+ sa dili pa moabot ang dako ug makalilisang nga adlaw ni Jehova.+  Ug iyang pabalikon ang kasingkasing sa mga amahan ngadto sa mga anak, ug ang kasingkasing sa mga anak ngadto sa mga amahan; aron ako dili moanhi ug maghampak sa yuta pinaagi sa pagtugyan niini ngadto sa kalaglagan.”+

Mga Footnote