Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Malaquias 1:1-14

1  Usa ka pahayag: Ang pulong ni Jehova+ mahitungod sa Israel pinaagi kang Malaquias:  “Gihigugma ko kamo,”+ miingon si Jehova. Ug kamo miingon: “Sa unsang paagi ikaw nahigugma kanamo?”+ “Dili ba si Esau ang igsoon ni Jacob?”+ mao ang giingon ni Jehova. “Apan gihigugma ko si Jacob,+  ug gidumtan ko si Esau;+ ug sa kataposan gihimo ko ang iyang mga bukid nga usa ka awaaw+ ug ang iyang panulondon gihatag ko sa mga iro nga ihalas sa kamingawan.”+  “Tungod kay ang Edom nagsigeg ingon, ‘Kami nalaglag, apan kami mobalik ug tukoron ang nagun-ob nga mga dapit,’ mao kini ang giingon ni Jehova sa mga panon, ‘Sila, sa ilang bahin, magatukod; apan ako, sa akong bahin, magalumpag.+ Ug ang katawhan magatawag gayod kanila nga “ang teritoryo sa pagkadaotan” ug “ang katawhan nga mahukmanong gisaway ni Jehova+ hangtod sa panahong walay tino.”  Ug ang inyong mga mata makakita niini, ug kamo moingon: “Padakoon unta si Jehova ibabaw sa teritoryo sa Israel.”’”+  “‘Ang anak nga lalaki, sa iyang bahin, nagpasidungog sa amahan;+ ug ang sulugoon, sa iyang dakong agalon.+ Busa kon ako usa ka amahan,+ hain man ang pasidungog kanako?+ Ug kon ako usa ka Dakong Agalon, hain man ang kahadlok+ kanako?’ Si Jehova sa mga panon miingon kaninyo, Oh mga saserdote nga nagtamay sa akong ngalan.+ “‘Ug kamo miingon: “Giunsa man namo sa pagtamay ang imong ngalan?”’  “‘Pinaagi sa paghalad ug mahugaw nga tinapay ibabaw sa akong halaran.’+ “‘Ug kamo miingon: “Sa unsang paagi kami naghugaw kanimo?”’ “‘Pinaagi sa inyong pag-ingon: “Ang lamesa+ ni Jehova talamayon.”+  Ug sa dihang naghalad kamo ug hayop nga buta: “Kana dili daotan.” Ug sa dihang naghalad kamo ug hayop nga piang o masakiton: “Kana dili daotan.”’”+ “Dad-a kana, palihog, ngadto sa imong gobernador. Mahimuot kaha siya kanimo, o magadawat kaha siya kanimo nga maluloton?” miingon si Jehova sa mga panon.  “Ug karon, palihog, lukmaya ang nawong+ sa Diyos, aron maluoy siya kanato.+ Gikan sa inyong kamot kini nahitabo. Magadawat ba siya nga maluloton kang bisan kinsa kaninyo?” miingon si Jehova sa mga panon. 10  “Kinsa ba usab taliwala ninyo ang magasira sa mga pultahan?+ Ug kamo dili magpasiga sa akong halaran—sa walay kapuslanan.+ Ako wala mahimuot kaninyo,” miingon si Jehova sa mga panon, “ug ako wala malipay sa halad nga gasa gikan sa inyong kamot.”+ 11  “Kay sukad sa pagsubang sa adlaw bisan ngadto sa pagsalop niini ang akong ngalan mahimong dako taliwala sa kanasoran,+ ug sa matag dapit pagahimoon ang gipaaso nga halad,+ pagahimoon ang paghalad alang sa akong ngalan, ang usa ka hinlo nga gasa;+ tungod kay ang akong ngalan mahimong dako taliwala sa kanasoran,”+ miingon si Jehova sa mga panon. 12  “Apan kamo nagpasipala+ kanako pinaagi sa inyong pag-ingon, ‘Ang lamesa ni Jehova nahugawan, ug talamayon ang bunga niini, ang kalan-on niini.’+ 13  Ug kamo miingon, ‘Tan-awa! Pagkamakapuol!’+ ug kamo nangusmo diha niana,” miingon si Jehova sa mga panon. “Ug inyong gidala ang sinakmit, ug ang piang, ug ang masakiton;+ oo, inyong gidala kini ingong gasa. Ikalipay ko ba kini gikan sa inyong kamot?”+ miingon si Jehova. 14  “Ug tinunglo ang nagagawi nga malipatlipaton sa dihang adunay hayop nga laki sa iyang panon, ug siya nanaad ug naghalad sa may-ikasaway ngadto kang Jehova.+ Kay ako usa ka dakong Hari,”+ miingon si Jehova sa mga panon, “ug ang akong ngalan mahimong makalilisang taliwala sa kanasoran.”+

Mga Footnote