Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Maghuhukom 17:1-13

17  Karon dihay usa ka tawo sa bukirong rehiyon sa Epraim+ kansang ngalan mao si Miqueas.  Unya siya miingon sa iyang inahan: “Ang usa ka libo usa ka gatos ka pirasong plata nga gikuha gikan kanimo ug nga labot niana ikaw misulti ug usa ka tunglo+ ug gisulti mo usab kana sa akong igdulungog—tan-awa! ang plata ania kanako. Ako ang nagkuha niini.”+ Niana ang iyang inahan miingon: “Hinaot panalanginan ni Jehova ang akong anak.”+  Busa iyang giuli ang usa ka libo usa ka gatos ka pirasong plata ngadto sa iyang inahan;+ ug ang iyang inahan miingon: “Ako magabalaan gayod sa plata alang kang Jehova gikan sa akong kamot alang sa akong anak, aron sa pagbuhat ug linilok nga larawan+ ug inumol nga estatwa;+ ug karon iuli ko kini kanimo.”  Busa iyang giuli ang plata ngadto sa iyang inahan, ug ang iyang inahan nagkuha ug duha ka gatos ka pirasong plata ug naghatag niini ngadto sa platero.+ Ug nagbuhat siya ug linilok nga larawan+ ug inumol nga estatwa;+ ug didto kini sa balay ni Miqueas.  Kon bahin sa tawong si Miqueas, siya may usa ka balay sa mga diyos,+ ug siya naghimog epod+ ug terapim+ ug nagpuno sa kamot sa usa sa iyang mga anak nga lalaki ug gahom,+ aron siya mag-alagad ingong saserdote alang kaniya.+  Niadtong mga adlawa walay hari sa Israel.+ Kon bahin sa tagsatagsa ka tawo, kon unsay matarong sa iyang mga mata mao ang naandan niyang buhaton.+  Karon dihay usa ka batan-ong lalaki nga taga-Betlehem+ sa Juda sa banay ni Juda, ug usa siya ka Levihanon.+ Ug siya mipuyo didto sa makadiyot.  Ug ang tawo mipahawa sa siyudad sa Betlehem sa Juda aron mopuyo sa makadiyot kon asa siya makakaplag ug dapit. Sa kadugayan samtang siya naglakaw nahiabot siya sa bukirong rehiyon sa Epraim hangtod sa balay ni Miqueas.+  Unya si Miqueas miingon kaniya: “Diin ka gikan?” Niana siya miingon kaniya: “Usa ako ka Levihanon nga taga-Betlehem sa Juda, ug ako nagapanaw aron mopuyo sa makadiyot kon asa ako makakaplag ug dapit.” 10  Busa si Miqueas miingon kaniya: “Puyo uban kanako ug mag-alagad ka ingong amahan+ ug saserdote+ alang kanako, ug ako, sa akong bahin, maghatag kanimo ug napulo ka pirasong plata matag tuig ug naandang ilisan nga mga besti ug makaon.” Busa ang Levihanon misulod. 11  Sa ingon ang Levihanon miuyon sa pagpuyo uban sa maong tawo, ug ang batan-ong lalaki nahimong sama sa usa sa iyang mga anak. 12  Dugang pa, si Miqueas nagpuno sa kamot sa Levihanon ug gahom,+ aron ang batan-ong lalaki makaalagad ingong saserdote+ alang kaniya ug makapabilin sa balay ni Miqueas. 13  Busa si Miqueas miingon: “Karon ako nasayod nga buhaton ni Jehova ang maayo kanako, tungod kay ang Levihanon nahimong saserdote alang kanako.”+

Mga Footnote