Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Maghuhukom 12:1-15

12  Unya ang mga tawo sa Epraim nagkatigom ug mitabok paamihanan ug miingon kang Jepte: “Nganong mitabok ka man sa pagpakig-away sa mga anak sa Ammon, ug wala mo kami tawga sa pag-uban kanimo?+ Ang imong balay among sunogon sa kalayo uban kanimo.”+  Apan si Jepte miingon kanila: “Nahimo akong linain nga magsasangka, ako ug ang akong katawhan, batok sa mga anak sa Ammon.+ Ug ako misangpit kaninyo alang sa tabang, ug kamo wala magluwas kanako gikan sa ilang kamot.  Sa dihang akong nakita nga dili kamo manluluwas, nakahukom ako nga isalig ang akong kalag sa akong kaugalingong kamot+ ug sa pag-adto batok sa mga anak sa Ammon.+ Ug niana gitugyan sila ni Jehova sa akong kamot. Busa nganong kamo nanganhi kanako niining adlawa sa pagpakig-away batok kanako?”  Dihadiha si Jepte nagtigom sa tanang tawo sa Gilead+ ug nakig-away batok sa Epraim; ug ang mga tawo sa Gilead nagpatay sa mga taga-Epraim, kay sila miingon: “Kamo ang mga nakaikyas gikan sa Epraim, Oh Gilead, sa taliwala sa Epraim, sa taliwala sa Manases.”  Ug nakuha sa Gilead ang mga tabokanang bahin sa Jordan+ nga una sa Epraim; ug nahitabo nga sa dihang ang nangikyas nga mga tawo sa Epraim moingon: “Palabanga ako,” ang mga tawo sa Gilead moingon sa matag usa: “Epraimnon ka ba?” Sa dihang siya moingon: “Dili!”  niana sila moingon kaniya: “Palihog isulti ang Shibboleth.”+ Ug siya moingon: “Sibboleth,” kay dili man siya tukmang makalitok sa maong pulong. Ug ilang kuptan siya ug patyon didto sa mga tabokanang bahin sa Jordan. Busa napukan niadtong higayona ang kap-atag-duha ka libo gikan sa Epraim.+  Ug si Jepte nagpadayon sa paghukom sa Israel sa unom ka tuig, ug human niadto si Jepte nga Gileadnon namatay ug gilubong sa iyang siyudad sa Gilead.  Ug si Ibzan nga taga-Betlehem+ nagsugod sa paghukom sa Israel sunod kaniya.+  Ug nakabaton siya ug katloan ka anak nga lalaki ug katloan ka anak nga babaye. Nagpasugo siya sa gawas ug nagdala sa sulod ug katloan ka anak nga babaye gikan sa gawas alang sa iyang mga anak nga lalaki. Ug siya nagpadayon sa paghukom sa Israel sa pito ka tuig. 10  Unya si Ibzan namatay ug gilubong sa Betlehem. 11  Ug sunod kaniya si Elon nga Zabulonhon+ nagsugod sa paghukom sa Israel. Ug siya nagpadayon sa paghukom sa Israel sa napulo ka tuig. 12  Unya si Elon nga Zabulonhon namatay ug gilubong sa Aijalon sa yuta sa Zabulon. 13  Ug sunod kaniya si Abdon nga anak nga lalaki ni Hilel nga Piratonhon+ nagsugod sa paghukom sa Israel. 14  Ug nakabaton siya ug kap-atan ka anak ug katloan ka apo nga nagsakay sa kapitoan ka hingkod nga mga asno.+ Ug siya nagpadayon sa paghukom sa Israel sa walo ka tuig. 15  Unya si Abdon nga anak nga lalaki ni Hilel nga Piratonhon namatay ug gilubong didto sa Piraton sa yuta sa Epraim sa bukid sa mga Amalekanhon.+

Mga Footnote