Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Levitico 9:1-24

9  Ug nahitabo sa ikawalo+ nga adlaw nga gitawag ni Moises si Aaron ug ang iyang mga anak nga lalaki ug ang mga ansiyano sa Israel.  Unya siya miingon kang Aaron: “Pagkuha alang kanimo ug usa ka nating baka ingong halad-sa-sala+ ug usa ka laking karnero ingong halad-nga-sinunog,+ mga himsog, ug itanyag kini sa atubangan ni Jehova.+  Apan sultihi ang mga anak sa Israel, nga mag-ingon, ‘Pagkuha ug usa ka laking kanding+ ingong halad-sa-sala ug usa ka nating baka ug usa ka laking nating karnero,+ tagsa ka tuig ang kagulangon, mga himsog, ingong halad-nga-sinunog,  ug usa ka torong baka ug usa ka laking karnero ingong mga halad-sa-panag-ambit+ aron ihalad kini atubangan ni Jehova, ug halad-nga-lugas+ nga gibasa sa lana, tungod kay karong adlawa nga si Jehova tinong magpakita kaninyo.’”+  Busa gidala nila ang gisugo ni Moises sa atubangan sa tolda nga tagboanan. Unya ang tibuok katigoman miduol ug mibarog sa atubangan ni Jehova.+  Ug si Moises nagkanayon: “Mao kini ang butang nga gisugo ni Jehova nga inyong buhaton, aron ang himaya ni Jehova magpakita kaninyo.”+  Unya si Moises miingon kang Aaron: “Duol sa halaran ug ihalad ang imong halad-sa-sala+ ug ang imong halad-nga-sinunog, ug himoa ang pagtabon-sa-sala+ alang sa imong kaugalingon ug alang sa imong balay; ug ihalad ang halad sa katawhan+ ug himoa ang pagtabon-sa-sala+ alang kanila, ingon sa gisugo ni Jehova.”  Dihadiha si Aaron miduol sa halaran ug giihaw ang nating baka sa halad-sa-sala nga alang kaniya.+  Unya gidala sa mga anak nga lalaki ni Aaron ang dugo+ ngadto kaniya ug iyang gituslob ang iyang tudlo sa dugo+ ug gibutang kini nganha sa mga sungay sa halaran,+ ug ang nahibilin sa dugo iyang giyabo sa tiilan sa halaran. 10  Ug ang tambok+ ug ang mga amimislon ug ang nagatapot sa atay gikan sa halad-sa-sala iyang gipaaso sa ibabaw sa halaran,+ ingon sa gisugo ni Jehova kang Moises. 11  Ug gisunog niya sa kalayo ang unod ug ang panit didto sa gawas sa kampo.+ 12  Unya iyang giihaw ang halad-nga-sinunog ug gitunol kaniya sa mga anak nga lalaki ni Aaron ang dugo ug kini iyang giwisik libot sa ibabaw sa halaran.+ 13  Ug ilang gitunol kaniya ang halad-nga-sinunog sa tinagsa ka hiwa niini ug ang ulo, ug iyang gipaaso kini sa ibabaw sa halaran.+ 14  Dugang pa, iyang gihugasan ang mga tinai ug ang mga tiil ug gipaaso kini ibabaw sa halad-nga-sinunog sa ibabaw sa halaran.+ 15  Dayon iyang gitanyag ang halad sa katawhan+ ug gikuha ang kanding sa halad-sa-sala nga alang sa katawhan ug giihaw kini ug naghimog halad alang sa sala pinaagi niini ingon sa nahauna. 16  Unya iyang gitanyag ang halad-nga-sinunog ug gitanyag kini sumala sa naandang paagi.+ 17  Dayon iyang gitanyag ang halad-nga-lugas+ ug mihakop siya ug bahin niini ug gipaaso kini sa ibabaw sa halaran, gawas pa sa halad-nga-sinunog sa buntag.+ 18  Human niana iyang giihaw ang torong baka ug ang laking karnero sa halad-sa-panag-ambit+ nga alang sa katawhan. Unya gitunol kaniya sa mga anak nga lalaki ni Aaron ang dugo ug kini iyang giwisik libot sa ibabaw sa halaran.+ 19  Kon bahin sa matambok nga mga bahin+ sa torong baka ug sa tambok nga ikog+ sa laking karnero ug sa nagaputos nga tambok ug sa mga amimislon ug sa nagatapot sa atay, 20  karon ilang gibutang ang matambok nga mga bahin ibabaw sa mga dughan,+ nga human niana iyang gipaaso ang matambok nga mga bahin sa ibabaw sa halaran. 21  Apan ang mga dughan ug ang tuo nga paa gitabyog ni Aaron ingong halad-nga-tinabyog+ atubangan ni Jehova, ingon sa gisugo ni Moises. 22  Unya giisa ni Aaron ang iyang mga kamot ngadto sa katawhan ug gipanalanginan sila+ ug nanaog+ gikan sa paghalad sa halad-sa-sala ug sa halad-nga-sinunog ug sa mga halad-sa-panag-ambit. 23  Sa kataposan si Moises ug si Aaron misulod sa tolda nga tagboanan ug migula ug gipanalanginan ang katawhan.+ Unya ang himaya ni Jehova+ nagpakita sa tibuok katawhan, 24  ug may kalayo nga migula gikan sa atubangan ni Jehova+ ug miut-ot sa halad-nga-sinunog ug sa matambok nga mga bahin sa ibabaw sa halaran. Sa dihang nakita kini sa tanang katawhan, sila naninggit+ ug nanghapa.

Mga Footnote