Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Levitico 3:1-17

3  “‘Ug kon ang iyang halad maoy halad-sa-panag-ambit,+ kon siya magtanyag niini gikan sa panon sa mga baka, laki man kon baye, kanang himsog+ ang iyang itanyag atubangan ni Jehova.  Ug iyang itapion ang iyang kamot sa ulo+ sa iyang halad, ug ihawon kini sa ganghaan sa tolda nga tagboanan; ug ang mga anak nga lalaki ni Aaron, ang mga saserdote, magwisik sa dugo libot sa ibabaw sa halaran.  Ug siya magtanyag ug bahin sa halad-sa-panag-ambit ingong halad nga gihimo pinaagi sa kalayo ngadto kang Jehova, nga mao, ang tambok+ nga nagputos sa mga tinai, ang tanan gayod nga tambok nga anaa sa ibabaw sa mga tinai,+  ug ang duha ka amimislon+ ug ang tambok nga anaa ibabaw nila, sama nianang anaa sa dapidapi. Ug kon bahin nianang nagatapot sa atay, kini iyang kuhaon uban ang mga amimislon.  Ug paasohon+ kini sa mga anak nga lalaki ni Aaron+ sa ibabaw sa halaran, ibabaw sa halad-nga-sinunog nga anaa ibabaw sa mga sugnod+ nga anaa ibabaw sa kalayo, ingong halad nga gihimo pinaagi sa kalayo nga makapahupay nga alimyon+ alang kang Jehova.  “‘Ug kon ang iyang halad maoy gikan sa panon sa kahayopan ingong usa ka halad-sa-panag-ambit alang kang Jehova, laki man o baye, kanang himsog+ ang iyang itanyag.  Kon siya maghalad ug usa ka laking nating karnero ingong iyang halad, nan itanyag niya kini sa atubangan ni Jehova.+  Ug iyang itapion ang iyang kamot sa ulo+ sa iyang halad, ug ihawon+ kini sa atubangan sa tolda nga tagboanan; ug ang mga anak nga lalaki ni Aaron magwisik sa dugo niini libot sa ibabaw sa halaran.  Ug gikan sa halad-sa-panag-ambit iyang itanyag ang tambok niini ingong halad nga gihimo pinaagi sa kalayo ngadto kang Jehova.+ Ang tibuok tambok nga ikog+ mao ang iyang kuhaon duol sa dugokan, ug ang tambok nga nagputos sa mga tinai, ang tanan gayod nga tambok nga anaa ibabaw sa mga tinai,+ 10  ug ang duha ka amimislon ug ang tambok nga anaa ibabaw nila, sama nianang anaa sa dapidapi. Ug kon mahitungod nianang bahin nga nagatapot+ sa atay, kini iyang kuhaon uban ang mga amimislon. 11  Ug paasohon+ kini sa saserdote diha sa halaran ingong pagkaon,+ usa ka halad nga gihimo pinaagi sa kalayo alang kang Jehova. 12  “‘Ug kon ang iyang halad usa ka kanding,+ nan iya kining itanyag sa atubangan ni Jehova. 13  Ug iyang itapion ang iyang kamot sa ulo+ niini, ug ihawon+ kini sa atubangan sa tolda nga tagboanan; ug ang mga anak nga lalaki ni Aaron magwisik sa dugo niini libot sa ibabaw sa halaran. 14  Ug gikan niini igatanyag niya ingong iyang halad, ingong halad nga gihimo pinaagi sa kalayo alang kang Jehova, ang tambok nga nagputos sa mga tinai, ang tanan gayod nga tambok nga anaa ibabaw sa mga tinai,+ 15  ug ang duha ka amimislon ug ang tambok nga anaa ibabaw kanila, sama nianang anaa sa dapidapi. Ug kon mahitungod nianang bahin nga nagatapot sa atay, kini iyang kuhaon uban ang mga amimislon. 16  Ug paasohon kini sila sa saserdote diha sa halaran ingong pagkaon, usa ka halad nga gihimo pinaagi sa kalayo ingong makapahupay nga alimyon. Ang tanang tambok iya ni Jehova.+ 17  “‘Usa kini ka lagda hangtod sa panahong walay tino alang sa inyong mga kaliwatan, sa tanan ninyong puloy-anang mga dapit: Dili gayod kamo magkaon sa bisan unsang tambok o sa bisan unsang dugo.’”+

Mga Footnote