Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Levitico 24:1-23

24  Ug si Jehova misulti kang Moises, nga nag-ingon:  “Sugoa ang mga anak sa Israel nga magkuha sila alang kanimo ug lunsay nga lana sa linubok nga olibo alang sa suga,+ aron pasigahon ang lampara sa kanunay.+  Sa gawas sa kortina sa Pagpamatuod, sa tolda nga tagboanan, andamon kini ni Aaron gikan sa gabii hangtod sa pagkabuntag atubangan ni Jehova sa kanunay. Usa kini ka lagda hangtod sa panahong walay tino sulod sa inyong mga kaliwatan.  Diha sa tangkawan+ nga lunsayng bulawan iyang andamon ang mga lampara+ atubangan ni Jehova sa kanunay.+  “Ug magkuha ka ug pinong harina ug lutoon kini ingong napulog-duha ka siningsing nga tinapay. Duha sa ikanapulo ka bahin sa ephah ang gamiton sa matag siningsing nga tinapay.  Ug ibutang mo sila ingong duha ka linut-od, unom matag linut-od,+ ibabaw sa lamesa nga lunsayng bulawan atubangan ni Jehova.+  Ug butangan mo ug lunsay nga kamangyan ang matag linut-od, ug magasilbi kining tinapay nga tigpahinumdom,+ usa ka halad nga gihimo pinaagi sa kalayo alang kang Jehova.  Sa matag adlaw nga igpapahulay kinahanglan niya kining andamon atubangan ni Jehova sa kanunay.+ Usa kini ka pakigsaad hangtod sa panahong walay tino uban sa mga anak sa Israel.  Ug maiya kini ni Aaron ug sa iyang mga anak nga lalaki,+ ug kini ilang kan-on sa usa ka balaang dapit,+ tungod kay butang kini nga labing balaan alang kaniya gikan sa mga halad ni Jehova nga gihimo pinaagi sa kalayo, ingong usa ka regulasyon hangtod sa panahong walay tino.” 10  Karon usa ka anak nga lalaki sa usa ka babayeng Israelinhon, kinsa anak usab sa usa ka lalaking Ehiptohanon,+ ang miadto sa taliwala sa mga anak sa Israel, ug ang anak nga lalaki sa babayeng Israelinhon ug ang usa ka lalaking Israelinhon nagbugnoay+ sulod sa kampo. 11  Ug ang anak nga lalaki sa babayeng Israelinhon nagpasipala sa Ngalan+ ug nanghimaraot niini.+ Busa gidala nila siya kang Moises.+ Ang ngalan sa iyang inahan maoy Selomit, anak nga babaye ni Dibri sa tribo ni Dan. 12  Unya gitener+ nila siya hangtod nga adunay tin-aw nga pahayag ngadto kanila sumala sa pulong ni Jehova.+ 13  Ug si Jehova misulti kang Moises, nga nag-ingon: 14  “Dad-a ang nanghimaraot ngadto sa gawas sa kampo;+ ug ang tanan niadtong nakadungog kaniya magatapion sa ilang mga kamot+ sa iyang ulo, ug ang tibuok katigoman magabato kaniya.+ 15  Ug sultihi ang mga anak sa Israel, nga mag-ingon, ‘Kon si bisan kinsa manghimaraot sa iyang Diyos, nan manubag siya sa iyang sala. 16  Busa ang magapasipala sa ngalan ni Jehova patyon sa walay pakyas.+ Ang tibuok katigoman magabato kaniya. Ang langyaw nga pumoluyo ingon man ang lumad pagapatyon tungod sa iyang pagpasipala sa Ngalan.+ 17  “‘Ug kon ang usa ka tawo makapatay kang bisan kinsa nga kalag sa tawo, pagapatyon siya sa walay pakyas.+ 18  Ug ang makapatay sa kalag sa usa ka binuhing hayop kinahanglang magbayad niini, kalag alang sa kalag.+ 19  Ug kon ang usa ka tawo makapahinabog depekto diha sa iyang isigkatawo, nan ingon sa iyang gibuhat, mao usab ang pagabuhaton kaniya.+ 20  Bali alang sa bali, mata alang sa mata, ngipon alang sa ngipon; ang samang matang sa depekto nga iyang ipahinabo sa tawo, mao kana ang ipahinabo kaniya.+ 21  Ug ang makapatay ug mananap+ kinahanglang magbayad+ niini, apan ang makapatay ug tawo kinahanglang patyon.+ 22  “‘Adunay usa ra ka hudisyal nga hukom alang kaninyo. Ang langyaw nga pumoluyo sama ra sa lumad,+ tungod kay ako mao si Jehova nga inyong Diyos.’”+ 23  Human niana si Moises misulti sa mga anak sa Israel, ug ang nanghimaraot ilang gidala sa gawas sa kampo, ug ilang gibato siya.+ Busa gibuhat sa mga anak sa Israel ang ingon sa gisugo ni Jehova kang Moises.

Mga Footnote