Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Levitico 2:1-16

2  “‘Karon kon ang usa ka kalag magtanyag ug halad-nga-lugas+ ingong halad alang kang Jehova, ang iyang halad kinahanglan nga pino nga harina;+ ug buboan niya kinig lana ug butangan ug kamangyan sa ibabaw niini.  Ug kini dad-on niya ngadto sa mga anak ni Aaron, ang mga saserdote, ug gikan niini ang saserdote magkuhag usa ka hakop sa pinong harina niini ug sa lana niini uban sa tanang kamangyan niini; ug kini iyang paasohon ingong tigpahinumdom+ niini diha sa halaran, ingong halad nga gihimo pinaagi sa kalayo nga makapahupay nga alimyon alang kang Jehova.  Ug ang mahibilin sa halad-nga-lugas maiya ni Aaron ug sa iyang mga anak nga lalaki,+ ingong butang nga labing balaan+ gikan sa mga halad ni Jehova nga gihimo pinaagi sa kalayo.  “‘Ug kon maghalad ka ug halad-nga-lugas nga linuto sa hudno, kini kinahanglan nga gikan sa pino nga harina, siningsing nga mga tinapay nga walay igpapatubo+ nga gibasa sa lana o nigpis nga mga tinapay nga walay igpapatubo+ nga hinidhiran sa lana.+  “‘Ug kon ang imong halad maoy halad-nga-lugas nga gikan sa kalaha,+ kinahanglan nga kini gikan sa pino nga harina nga gibasa sa lana, nga walay igpapatubo.  Pikaspikason kini, ug buboan mo kini ug lana.+ Kini halad-nga-lugas.  “‘Ug kon ang imong halad maoy halad-nga-lugas nga gikan sa kawa, kinahanglan nga hinimo kini gikan sa pino nga harina nga may lana.  Ug dad-on nimo ang halad-nga-lugas nga hinimo niining mga butanga ngadto kang Jehova; ug ihatag kini ngadto sa saserdote ug kini iyang dad-on duol sa halaran.  Ug ang saserdote magkuhag bahin sa halad-nga-lugas ingong tigpahinumdom+ niini ug paasohon kini sa ibabaw sa halaran, ingong halad nga gihimo pinaagi sa kalayo nga makapahupay nga alimyon alang kang Jehova.+ 10  Ug ang mahibilin sa halad-nga-lugas maiya ni Aaron ug sa iyang mga anak nga lalaki, ingong butang nga labing balaan sa mga halad ni Jehova pinaagi sa kalayo.+ 11  “‘Walay halad-nga-lugas nga inyong itanyag kang Jehova ang pagahimoon nga may lebadura,+ tungod kay wala gayoy minasang igpapatubo ni dugos nga inyong paasohon ingong halad nga gihimo pinaagi sa kalayo alang kang Jehova. 12  “‘Ingong halad sa mga unang bunga,+ kamo magtanyag niana kang Jehova, ug kinahanglan nga dili kini modangat sa halaran ingong makapahupay nga alimyon. 13  “‘Ug ang tanan nga halad sa imong halad-nga-lugas imong timplahan ug asin;+ ug dili mo tugotan nga mawala ang asin sa pakigsaad+ sa imong Diyos diha sa imong halad-nga-lugas. Uban sa tanan nimong halad ikaw magtanyag ug asin. 14  “‘Ug kon imong itanyag ang halad-nga-lugas sa unang hinog nga mga bunga ngadto kang Jehova, magtanyag ka ug linghod nga mga lugas gikan sa uhay nga sinangag sa kalayo, ang dinugmok nga bag-ong mga lugas, ingong halad-nga-lugas sa imong unang hinog nga mga bunga.+ 15  Ug kini imong butangag lana ug butangag kamangyan. Kini halad-nga-lugas.+ 16  Ug paasohon sa saserdote ang tigpahinumdom+ niini, nga mao, ang bahin sa dinugmok nga mga lugas niini ug sa lana niini, uban ang tanang kamangyan niini, ingong halad nga gihimo pinaagi sa kalayo alang kang Jehova.

Mga Footnote