Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Lamentaciones 5:1-22

5  Hinumdomi, Oh Jehova, ang nahitabo kanamo.+ Sud-onga ug tan-awa ang among kaulaw.+   Ang among panulondon gitugyan ngadto sa mga estranyo, ang among mga balay ngadto sa mga langyaw.+   Kami nahimong mga ilo na lamang nga walay amahan.+ Ang among mga inahan sama sa mga balo.+   Kami nag-inom sa among kaugalingong tubig nga binayloan sa salapi.+ Baylo sa usa ka bili ang among kaugalingong kahoy moabot.   Dutdot na sa among liog ang paggukod kanamo.+ Kami naluya. Wala nay pahulay nga nahibilin alang kanamo.+   Among gihatag ang kamot+ ngadto sa Ehipto;+ ngadto sa Asirya,+ aron matagbaw sa tinapay.   Ang among mga katigulangan maoy nakasala.+ Wala na sila. Kon bahin kanamo, ang ilang mga kasaypanan mao ang among ginapas-an.+   Mga sulugoon lamang maoy nagmando kanamo.+ Walay nagpalingkawas kanamo gikan sa ilang kamot.+   Kami nagdala sa among tinapay nga gipameligro ang among kalag,+ tungod sa espada sa kamingawan. 10  Ang among panit miinit sama sa hudno, tungod sa kahapdos sa gutom.+ 11  Ang mga asawa didto sa Zion ilang gipanamastamasan,+ ang mga ulay sa mga siyudad sa Juda. 12  Ang mga prinsipe gibitay pinaagi lamang sa ilang kamot.+ Bisan ang mga nawong sa mga tigulang wala pasidunggi.+ 13  Bisan ang mga batan-ong lalaki nag-alsa ug galingan nga demano,+ ug sa ilalom sa kahoy ang mga batang lalaki nangapandol.+ 14  Ang mga tigulang nga lalaki namiya na bisan sa ganghaan,+ ang mga batan-ong lalaki gikan sa ilang honi.+ 15  Ang kasadya sa among kasingkasing mihunong na. Ang among pagsayaw nahimo na lamang nga pagbangotan.+ 16  Ang purongpurong sa among ulo nahulog.+ Alaot kami, karon, tungod kay kami nakasala!+ 17  Tungod niini ang among kasingkasing nagmasakiton.+ Tungod niining mga butanga ang among mga mata miawop,+ 18  Tungod sa bukid sa Zion nga nabiniyaan;+ ang mga iro nga ihalas naglakaw sa ibabaw niana.+ 19  Kon bahin kanimo, Oh Jehova, ikaw maglingkod hangtod sa panahong walay tino.+ Ang imong trono maoy hangtod sa sunodsunod nga mga kaliwatan.+ 20  Ngano man nga nalimot ka kanamo hangtod sa kahangtoran,+ nga kami imong gibiyaan sa taas nga mga adlaw?+ 21  Dad-a kami pagbalik,+ Oh Jehova, nganha kanimo, ug kami mobalik gayod. Dad-i kami ug bag-ong mga adlaw ingon sa kanhing panahon.+ 22  Apan, ikaw nagsalikway gayod kanamo.+ Ikaw nasuko pag-ayo kanamo.+

Mga Footnote