Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Lamentaciones 4:1-22

א [ʼAʹleph] 4  Oh naunsa nga ang bulawan nga nagsidlak milubad man, ang lunsay nga bulawan!+ Oh naunsa nga ang balaang mga bato+ giyabo man diha sa ulohan sa tanang kadalanan!+ ב [Behth]   Kon bahin sa bililhong mga anak sa Zion,+ kadtong mga gitimbang tumbas sa dinalisay nga bulawan, Oh naunsa nga sila giisip man ingong mga tadyaw nga yutang-kulonon, ang ginama sa mga kamot sa usa ka magkukulon!+ ג [Giʹmel]   Bisan ang mga iro nga ihalas nagpagula sa ilang suso. Sila nagpasuso sa ilang mga itoy. Ang anak nga babaye sa akong katawhan nahimong mabangis,+ sama sa mga ostrik sa kamingawan.+ ד [Daʹleth]   Ang dila sa masuso mitapot sa iyang alingagngag tungod sa kauhaw.+ Ang mga bata nangayo ug tinapay.+ Walay usa nga naghatag kanila.+ ה [Heʼ]   Kadtong nagkaon ug lamiang pagkaon giabot ug kahingangha diha sa kadalanan.+ Kadtong gimatuto nga sinul-oban sa sanag-pula nga panapton+ migakos na sa mga tapok sa abo.+ ו [Waw]   Ang silot sa kasaypanan sa anak nga babaye sa akong katawhan nahimo usab nga labi pang dako kay sa silot sa sala sa Sodoma,+ Nga gipukan sa daklit lamang, ug nga walay kamot nga mitabang kaniya.+ ז [Zaʹyin]   Ang iyang mga Nazareo+ mas putli pa kay sa niyebe;+ sila mas puti pa kay sa gatas. Sa pagkatinuod sila mas mapula pa+ kay sa mga korales; ang ilang kahamis ingon sa sapiro.+ ח [Chehth]   Ang ilang dagway mas itom pa kay sa kaitom mismo. Wala sila mailhi diha sa kadalanan.+ Ang ilang panit mikuyos diha sa ilang mga bukog.+ Kini nauga sama sa usa ka kahoy. ט [Tehth]   Mas maayo pa kadtong nangamatay pinaagi sa espada+ kay niadtong nangamatay tungod sa gutom,+ Tungod kay sila wala nay umoy, gipalagbasan tungod sa kakulang sa abot sa kapatagan. י [Yohdh] 10  Ang mga kamot sa mga babayeng maluluy-on naglata sa kaugalingon nilang mga anak.+ Sila nahisama sa kalan-on sa paghupay alang sa usa sa panahon sa pagkahugno sa anak nga babaye sa akong katawhan.+ כ [Kaph] 11  Gipahinabo ni Jehova ang iyang kaaligutgot.+ Gibubo niya ang iyang nagsilaob nga kasuko.+ Ug iyang gidaoban sa kalayo ang Zion, nga naglamoy sa mga patukoranan niana.+ ל [Laʹmedh] 12  Ang mga hari sa yuta ug ang tanang molupyo sa mabungahong yuta wala motuo+ Nga ang kontra ug ang kaaway makasulod sa mga ganghaan sa Jerusalem.+ מ [Mem] 13  Tungod sa mga sala sa iyang mga manalagna, sa kasaypanan sa iyang mga saserdote,+ Diha sa iyang taliwala kadtong mga nagbubo sa dugo sa mga matarong.+ נ [Nun] 14  Sila nasalaag ingon sa buta+ diha sa kadalanan.+ Sila nahugawan sa dugo,+ Mao nga walay makahikap sa ilang mga besti.+ ס [Saʹmekh] 15  “Pahawa kamo! Mahugaw!”+ sila misinggit kanila. “Pahawa kamo! Pahawa kamo! Ayaw paghikapa!”+ Kay sila wala nay puloy-anan.+ Sila usab naglatagaw.+ Ang mga tawo miingon taliwala sa kanasoran: “Dili na sila mopuyo pag-usab ingong mga langyaw.+ פ [Peʼ] 16  Ang nawong ni Jehova nagbahinbahin kanila.+ Dili na siya motan-aw kanila pag-usab.+ Ang mga tawo dili gayod magpakitag konsiderasyon bisan sa mga saserdote.+ Dili gayod sila magpakitag kaluoy bisan sa mga tigulang.”+ ע [ʽAʹyin] 17  Samtang ania pa kami, ang among mga mata gikapoy nga kawang lamang sa pagtinguhag tabang alang kanamo.+ Sa panahon sa among pagpangita kami milantaw sa usa ka nasod nga dili makadalag kaluwasan.+ צ [Tsa·dhehʹ] 18  Sila nangita sa among mga lakang+ mao nga walay makalakaw diha sa among mga plasa. Ang among kataposan haduol na. Ang among mga adlaw nabug-os na, kay ang among kataposan miabot na.+ ק [Qohph] 19  Ang mga naggukod kanamo matulin pa kay sa mga agila sa kalangitan.+ Sila mainitong naggukod kanamo ibabaw sa kabukiran.+ Sila nag-atang aron sa pagbanhig kanamo diha sa kamingawan.+ ר [Rehsh] 20  Ang gininhawa sa among mga ilong,+ ang dinihogan ni Jehova,+ nadakpan sa ilang dakong gahong,+ Ang usa kinsa bahin kaniya kami miingon: “Sa iyang landong+ kami mopuyo sa taliwala sa kanasoran.”+ ש [Sin] 21  Pagsadya ug pagmaya,+ Oh anak nga babaye sa Edom,+ nga nagpuyo sa yuta sa Uz.+ Ang kopa moagi usab nganha kanimo.+ Ikaw mahubog ug maghubo sa imong kaugalingon.+ ת [Taw] 22  Ang imong kasaypanan, Oh anak nga babaye sa Zion, natapos na.+ Dili ka na niya idestiyero pag-usab.+ Siya miliso sa iyang pagtagad sa imong kasaypanan, Oh anak nga babaye sa Edom. Iyang gipadayag ang imong mga sala.+

Mga Footnote