Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Josue 20:1-9

20  Unya si Jehova misulti kang Josue, nga nag-ingon:  “Sultihi ang mga anak sa Israel, nga magaingon, ‘Paggahin kamo ug mga siyudad nga dalangpanan+ nga akong giingon kaninyo pinaagi kang Moises,  aron makakalagiw didto ang mamumuno+ nga sa wala damha nakapatay sa usa ka kalag nga dili tinuyo; ug kini magsilbi kaninyo nga dalangpanan gikan sa tigpanimalos sa dugo.+  Ug siya kinahanglang mokalagiw+ ngadto sa usa niini nga mga siyudad ug mobarog sa agianan pasulod sa ganghaan+ sa siyudad ug ipahayag ang iyang mga pulong sa igdulungog sa mga ansiyano+ niana nga siyudad; ug sila magadawat gayod kaniya sulod sa siyudad ug magahatag kaniya ug usa ka dapit ug siya gayod magapuyo uban kanila.  Ug kon ang tigpanimalos sa dugo magagukod kaniya, nan dili gayod nila itugyan ang mamumuno ngadto sa iyang kamot;+ kay sa wala damha nga iyang napatay ang iyang isigkatawo, ug siya wala magdumot kaniya sa nangagi.+  Ug siya kinahanglang mopuyo niana nga siyudad hangtod nga siya mobarog atubangan sa katigoman alang sa paghukom,+ hangtod sa kamatayon sa hataas nga saserdote+ nga mao ang hataas nga saserdote nianang mga adlawa. Nianang panahona ang mamumuno makapauli na,+ ug mosulod siya sa iyang siyudad ug sa iyang balay, sa siyudad nga gikan niini siya mikalagiw.’”  Busa ilang gihimong sagrado ang Kedes+ sa Galilea sa bukirong rehiyon sa Neptali, ug ang Sekem+ sa bukirong rehiyon sa Epraim, ug ang Kiriat-arba+, buot ingnon, Hebron, sa bukirong rehiyon sa Juda.  Ug sa kayutaan sa Jordan, sa Jerico, dapit sa sidlakan ilang gihatag ang Bezer+ didto sa kamingawan sa patag sa bukid gikan sa tribo ni Ruben,+ ug ang Ramot+ sa Gilead gikan sa tribo ni Gad, ug ang Golan+ sa Basan gikan sa tribo ni Manases.  Kini ang mga siyudad nga gitudlo alang sa tanang anak sa Israel ug alang sa langyaw nga pumoluyo nga nagpuyo ingong langyaw sa ilang taliwala, aron makakalagiw didto si bisan kinsa nga sa dili tinuyo makapatay sa usa ka kalag,+ aron dili siya mamatay diha sa kamot sa tigpanimalos sa dugo hangtod sa iyang pagbarog atubangan sa katigoman.+

Mga Footnote