Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Josue 16:1-10

16  Ug ang ripa+ nga natunong sa mga anak ni Jose+ maoy gikan sa Jordan+ sa Jerico ngadto sa katubigan sa Jerico pasidlakan, ang kamingawan nga patungas gikan sa Jerico paingon sa bukirong rehiyon sa Bethel.+  Ug kini migula gikan sa Bethel nga iya sa Luz+ ug mitabok ngadto sa utlanan sa mga Arkihanon+ sa Atarot,  ug kini milugsong pakasadpan ngadto sa utlanan sa mga Japletnon hangtod sa utlanan sa Ubos nga Bet-horon+ ug sa Gezer,+ ug sa dagat ang kinutoban niini.+  Ug ang mga anak nga lalaki ni Jose,+ si Manases ug Epraim,+ nagkuha sa yuta.+  Ug ang utlanan sa mga anak ni Epraim sumala sa ilang kabanayan mao, oo, ang utlanan sa ilang panulondon paingon sa sidlakan mao ang Atarot-adar,+ hangtod sa Ibabaw nga Bet-horon;+  ug ang utlanan migula ngadto sa dagat. Ang Mikmetat+ maoy didto sa amihanan, ug ang utlanan milibot pasidlakan ngadto sa Taanat-shilo, ug mitabok pasidlakan ngadto sa Janoa.  Ug kini milugsong gikan sa Janoa ngadto sa Atarot ug sa Naara ug miabot sa Jerico+ ug migula ngadto sa Jordan.  Gikan sa Tapua+ ang utlanan mipaingon sa kasadpan ngadto sa bul-oganang walog sa Kana,+ ug sa dagat ang kinutoban niini.+ Mao kini ang panulondon sa tribo sa mga anak ni Epraim sumala sa ilang kabanayan.  Ug ang mga anak ni Epraim may sakop pa nga mga siyudad+ sa taliwala sa panulondon sa mga anak ni Manases, ang tanang siyudad ug ang ilang kabalangayan. 10  Ug wala nila aboga ang mga Canaanhon+ nga nagpuyo sa Gezer,+ ug ang mga Canaanhon nagpadayon pagpuyo taliwala sa Epraim hangtod niining adlawa+ ug nailalom sa pinugos nga trabaho ingong ulipon.+

Mga Footnote