Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Jonas 4:1-11

4  Apan, alang kang Jonas kadto dili gayod makapahimuot,+ ug siya nanginit sa kasuko.  Busa siya nag-ampo kang Jehova ug miingon: “Ah, karon, Oh Jehova, dili ba kini mao ang akong gikabalak-an, samtang didto pa ako sa akong kaugalingong yuta? Mao nga ako milakaw ug mikalagiw ngadto sa Tarsis;+ kay ako nahibalo nga ikaw usa ka Diyos nga mapuangoron ug maluluy-on,+ mahinay sa kasuko ug dagaya sa mahigugmaong-kalulot,+ ug magabasol tungod sa katalagman.+  Ug karon, Oh Jehova, kuhaa, palihog, ang akong kalag+ gikan kanako, kay mas maayo pa nga ako mamatay kay sa ako mabuhi.”+  Sa baylo si Jehova miingon: “Angay ka ba nga manginit sa kasuko?”+  Unya si Jonas mipahawa sa siyudad ug milingkod sa sidlakan sa siyudad; ug naghimo didto ug usa ka balongbalong alang sa iyang kaugalingon, aron makalingkod siya ilalom sa landong+ niini hangtod nga iyang makita kon unsay mahitabo sa siyudad.+  Ug si Jehova nga Diyos nag-andam ug usa ka tabayag, aron motubo kini sa ibabaw ni Jonas, aron makalandong sa iyang ulo, sa pagluwas kaniya gikan sa iyang daotang kahimtang.+ Ug si Jonas nagmaya sa hilabihan tungod sa tabayag.  Apan ang matuod nga Diyos nag-andam ug usa ka ulod+ sa diha nga mibanagbanag ang kabuntagon sa sunod nga adlaw, aron kutkoton niini ang tabayag; ug kini nalaya.+  Ug nahitabo nga, sa pagsidlak gayod sa adlaw, ang Diyos nag-andam ug mainit nga hangin sa sidlakan,+ ug ang ulo ni Jonas naigo sa adlaw, mao nga siya naluya pag-ayo;+ ug siya mihangyo nga mamatay na lang unta ang iyang kalag, ug sublisubli nga miingon: “Mas maayo pa nga ako mamatay kay sa ako mabuhi.”+  Ug ang Diyos miingon kang Jonas: “Angay ka ba nga manginit sa kasuko tungod sa tabayag?”+ Niana siya miingon: “Angay nga ako manginit sa kasuko, bisan hangtod sa kamatayon.” 10  Apan si Jehova miingon: “Ikaw, sa imong bahin, nasubo tungod sa tabayag, nga niana ikaw wala magbudlay ni magpadako, nga miturok lamang sa usa ka gabii ug namatay ingon nga turok lamang sa usa ka gabii. 11  Ug, sa akong bahin, dili ba diay ako masubo alang sa Nineve nga dakong siyudad,+ diin adunay kapin sa usa ka gatos ug kawhaan ka libo ka tawo nga wala mahibalo sa kalainan tali sa ilang tuong kamot ug sa ilang wala, gawas pa sa daghang binuhing hayop?”+

Mga Footnote