Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Joel 3:1-21

3  “Kay, tan-awa! nianang mga adlawa ug nianang panahona,+ sa dihang dad-on ko pagbalik ang mga binihag sa Juda ug Jerusalem,+  akong pagatigomon usab ang tanang kanasoran+ ug dad-on sila ngadto sa ubos nga patag ni Jehosapat;+ ug pagahukman ko sila didto tungod sa akong katawhan ug sa akong panulondon nga Israel,+ nga ilang gipatibulaag taliwala sa kanasoran; ug ilang gibahinbahin ang akong yuta.+  Ug ilang giripahan ang akong katawhan;+ ug ilang gihatag ang batang lalaki baylo sa usa ka pampam,+ ug ang batang babaye ilang gibaligya tungod sa bino, aron sila makainom.  “Ug, usab, unsay inyong labot kanako, Oh Tiro ug Sidon+ ug kamong tanan nga kayutaan sa Pilistia?+ Kana ba ang inyong buhaton kanako ingong balos? Ug kon inyong buhaton kana kanako, sa matulin, sa madali akong ibalos nganha sa inyong mga ulo ang inyong buhaton kanako.+  Tungod kay ang akong plata ug ang akong bulawan inyong gikuha,+ ug ang akong tilinguhaon nga maayong mga butang inyong gidala ngadto sa inyong mga templo;+  ug ang mga anak sa Juda ug ang mga anak sa Jerusalem inyong gibaligya+ ngadto sa mga anak sa mga Grego,+ aron sila ipahilayo sa ilang teritoryo;+  ania, aghaton ko sila sa paggula gikan sa dapit nga inyong gibaligyaan kanila,+ ug igabalos ko nganha sa inyong kaugalingong mga ulo ang inyong gibuhat.+  Ug akong ibaligya ang inyong mga anak nga lalaki ug ang inyong mga anak nga babaye ngadto sa kamot sa mga anak sa Juda,+ ug ilang ibaligya sila ngadto sa mga tawo sa Sheba,+ ngadto sa usa ka nasod sa halayo;+ kay si Jehova mao ang nagsulti niini.  “Imantala ninyo kini taliwala sa kanasoran,+ ‘Balaana ang gubat! Pukawa ang gamhanang mga tawo!+ Paduola sila! Patungasa sila, ang tanang tawong manggugubat!+ 10  Salsala ang inyong mga punta sa daro ingong mga espada ug ang inyong mga galab+ ingong mga bangkaw. Kon bahin sa maluya, pasultiha siya: “Gamhanan ako nga tawo.”+ 11  Tabang kamo ug umari, kamong tanang kanasoran sa palibot,+ ug magpundok kamo.’”+ Nianang dapita, Oh Jehova, paadtoa ang imong mga gamhanan.+ 12  “Palihoka ang mga nasod ug paadtoa sa ubos nga patag ni Jehosapat;+ kay didto ako molingkod aron hukman ang tanang kanasoran sa palibot.+ 13  “Ihagbas ninyo ang galab,+ kay ang alanihon hinog na.+ Umari kamo, kanaog, kay ang mga pug-anan sa bino napuno na.+ Ang pasong sa pug-anan nagaawas; kay ang ilang pagkadaotan dagaya.+ 14  Mga panon sa katawhan, mga panon sa katawhan atua sa ubos nga patag sa desisyon,+ kay ang adlaw ni Jehova haduol na sa ubos nga patag sa desisyon.+ 15  Ang adlaw ug ang bulan mongitngit, ug ang mga bituon mapagngan sa ilang kahayag.+ 16  Ug gikan sa Zion si Jehova mongulob, ug gikan sa Jerusalem iyang ipatugbaw ang iyang tingog.+ Ug ang langit ug ang yuta mauyog gayod;+ apan si Jehova mahimong dalangpanan sa iyang katawhan,+ ug usa ka kuta alang sa mga anak sa Israel.+ 17  Ug kamo makaila gayod nga ako mao si Jehova nga inyong Diyos,+ nga nagapuyo sa Zion nga akong balaang bukid.+ Ug ang Jerusalem mahimo gayong usa ka balaang dapit;+ ug kon mahitungod sa mga estranyo, sila dili na molatas kaniya.+ 18  “Ug mahitabo nianang adlawa nga ang kabukiran magapatulo sa tam-is nga bino,+ ug ang mga bungtod magapaagay sa gatas, ug ang kasapaan sa Juda magapaagay sa tubig. Ug gikan sa balay ni Jehova mogula ang usa ka tuboran,+ ug patubigan niini ang bul-oganang walog sa Mga Kahoyng Akasya.+ 19  Ug kon mahitungod sa Ehipto, kini mahimong awaaw;+ ug kon mahitungod sa Edom, kini mahimong kamingawan nga biniyaan,+ tungod sa kapintasan ngadto sa mga anak sa Juda, kansang yuta nag-ula sila ug inosenteng dugo.+ 20  Apan kon bahin sa Juda, kini pagapuy-an hangtod sa panahong walay tino,+ ug ang Jerusalem hangtod sa sunodsunod nga mga kaliwatan.+ 21  Ug ang ilang dugo nga wala ko isipa nga inosente akong pagaisipon nga inosente;+ ug si Jehova magapuyo sa Zion.”+

Mga Footnote