Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 9:1-35

9  Ug si Job mitubag ug miingon:   “Sa pagkatinuod ako nahibalo nga kini maoy ingon. Apan unsaon man sa may-kamatayong tawo pagkahusto batok sa Diyos?+   Kon iyang ikahimuot ang pagpakig-istoke batok kaniya,+ Siya dili makatubag kaniya bisan makausa sa usa ka libo.   Siya maalamon sa kasingkasing ug kusgan sa gahom.+ Kinsay magpakitag pagkagahian batok kaniya ug makalingkawas sa kadaot?+   Siya nagbalhin sa mga bukid,+ nga ang katawhan wala gani mahibalo niana nila, Siya nga nagpukan kanila sa iyang kasuko.+   Iyang gipauyog ang yuta gikan sa nahimutangan niini, Mao nga ang mga haligi+ niini mikurog.   Iyang gisugo ang adlaw nga dili kini mosidlak, Ug palibot sa mga bituon siya nagbutang ug tabon,+   Nga nagbuklad sa kalangitan sa iyang kaugalingon+ Ug nagtamak ibabaw sa habog nga mga balod sa dagat;+   Nga nagbuhat sa konstelasyon nga Ash, sa konstelasyon nga Kesil, Ug sa konstelasyon nga Kima+ ug sa sulod nga mga lawak sa Habagatan; 10  Nga nagbuhat ug dagkong butang nga dili matukib,+ Ug mga butang katingalahan nga dili maihap.+ 11  Tan-awa! Siya molabay kanako ug dili ako makakita kaniya, Ug siya mopadayon sa unahan ug dili ako makaila kaniya.+ 12  Tan-awa! Siya magasakmit. Kinsa ang makasukol kaniya? Kinsa ang moingon kaniya, ‘Unsa ang imong ginabuhat?’+ 13  Dili ipahilayo sa Diyos ang iyang kasuko;+ Sa ilalom niya ang mga nagatabang sa manunulong+ moyukbo. 14  Unsa pa kaha kon ako motubag kaniya! Pilion ko ang akong mga pulong kaniya,+ 15  Si kinsa dili ko tubagon, bisan kon ako husto gayod.+ Sa akong kaatbang sa hukmanan ako mangamuyog pabor.+ 16  Kon ako motawag kaniya, motubag ba siya kanako?+ Dili ako motuo nga siya maminaw sa akong tingog; 17  Nga pinaagi sa usa ka bagyo magasamad kanako Ug magpadaghan gayod sa akong mga samad sa wala lamay hinungdan.+ 18  Siya dili motugot kanako sa pagginhawa pag-usab,+ Kay ako iyang gitugob kanunay sa mga kapaitan. 19  Kon sa gahom ang usa kusganon, aw, anaa siya;+ Ug kon sa hustisya ang usa kusganon, Oh ako unta ipatawag! 20  Kon ako husto pa, ang akong kaugalingong baba magpahayag kanako nga daotan; Kon ako walay-ikasaway, nan siya magpahayag kanako nga hiwi. 21  Kon ako walay-ikasaway, dili ko mailhan ang akong kalag; Dumilian ko ang akong kinabuhi. 22  Adunay usa ka butang. Mao kana kon nganong ako nagaingon, ‘Ang walay-ikasaway, usab ang daotan, siya nagatibawas kanila.’+ 23  Kon ang usa ka kalit nga baha magpahinabog kamatayon sa kalit, Iyang yagayagaan ang pagkawalay-paglaom sa mga inosente. 24  Ang yuta gikatugyan ngadto sa kamot sa daotan;+ Ang nawong sa mga maghuhukom niini iyang gitabonan. Kon dili man ugaling, nan, kinsa man kini? 25  Ang akong mga adlaw usab labi pang matulin kay sa usa ka magdadagan;+ Sila midalagan, sila dili gayod makakita ug maayo. 26  Sila naglawig sama sa mga sakayan nga tangbo, Ingon sa usa ka agila nga magbahasbahas alang sa kan-onon.+ 27  Kon ako miingon, ‘Kalimtan ko na lang ang akong kabalaka,+ Usbon ko ang akong panagway+ ug himoong sayag,’ 28  Ako nahadlok sa tanan kong mga kasakit;+ Ako nahibalo nga dili mo ako isipong walay sala. 29  Ako mahimong daotan. Ngano bang nagbudlay ako sa kakawangan lamang?+ 30  Kon ako manghugas man gayod sa tubig sa niyebe, Ug hinloan ko ang akong kamot sa potasa,+ 31  Nan sa usa ka gahong ituslob mo ako, Ug ang akong mga besti magdumot gayod kanako. 32  Kay siya dili tawo+ sama kanako aron ako motubag kaniya, Aron kaming duha moatubang sa hukmanan. 33  Walay tawo nga mohukom tali kanamo,+ Aron iyang igabutang ang iyang kamot sa ibabaw namong duha. 34  Ipakuha niya ang iyang olisi gikan kanako,+ Ug ayaw ako pahadloka sa iyang pagkamakalilisang. 35  Pasultiha ako ug dili mahadlok kaniya, Kay ako dili man ingon niana.

Mga Footnote