Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 8:1-22

8  Ug si Bildad nga Shuhanon+ mitubag ug miingon:   “Hangtod kanus-a ba nga ikaw magsigeg sulti niining mga butanga,+ Sa dihang ang mga pulong sa imong baba usa lamang ka hangin nga makusog?+   Ang Diyos ba magtuis sa hustisya,+ O ang Labing Gamhanan ba magtuis sa pagkamatarong?+   Kon ang imong mga anak nakasala batok kaniya, Nga sa ingon iyang gitugyan sila ngadto sa kamot sa ilang pag-alsa,   Kon ikaw mangita sa Diyos,+ Ug kon ikaw mangamuyog pabor sa Labing Gamhanan,   Kon ikaw putli ug matul-id,+ Sa pagkakaron siya magmata tungod kanimo Ug tino nga ipasig-uli niya ang imong matarong nga puloy-anang dapit.   Usab, ang imong sinugdanan tingali gamay ra nga butang, Apan ang imo unyang kataposan modako pag-ayo.+   Mao nga, palihog, pagpakisayod sa kanhing kaliwatan,+ Ug ipunting ang imong pagtagad sa mga butang nga gisusi sa ilang mga amahan.+   Kay kita maoy kagahapon lamang,+ ug wala kitay nahibaloan, Tungod kay ang atong mga adlaw sa ibabaw sa yuta maoy usa ka anino.+ 10  Dili ba sila motudlo kanimo, mosugilon kanimo, Ug dili ba sila magpagula ug mga pulong gikan sa ilang kasingkasing? 11  Motubo ba ang tanom nga papiro+ kon walay kalamakan? Modako ba ang usa ka tangbo kon walay tubig? 12  Samtang kini putot pa, nga wala pungila, Mauna pa kini pagkalaya sa tanang uban nga balili.+ 13  Mao man usab ang mga agianan sa tanan nga makalimot sa Diyos,+ Ug ang paglaom sa usa ka apostata mahanaw,+ 14  Kansang pagsalig giputol, Ug kansang pagsalig maoy usa ka balay sa lawalawa.+ 15  Siya mosandig sa iyang balay, apan kini dili magapabilin; Siya mohawid niini, apan kini dili molungtad. 16  Siya tugob sa duga sa atubangan sa adlaw, Ug ang iyang salingsing motubo sa iyang tanaman.+ 17  Sa tapok nga bato ang iyang mga gamot nanguyapot, Iyang nakita ang usa ka balay nga bato. 18  Kon may molamoy kaniya gikan sa iyang dapit,+ Kini molimod gayod usab kaniya, nga mag-ingon, ‘Wala ako makakita kanimo.’+ 19  Tan-awa! Mao kana ang pagkatun-as sa iyang dalan;+ Ug gikan sa yuta ang uban manggula. 20  Tan-awa! Ang Diyos dili magsalikway kang bisan kinsa nga walay-ikasaway, Ni magagunit siya sa kamot sa mga mamumuhat ug daotan, 21  Hangtod nga ang imong baba iyang mapuno sa katawa, Ug ang imong mga ngabil sa malipayong pagsinggit. 22  Ang mga nagdumot kanimo pagasul-oban sa kaulaw,+ Ug ang tolda sa mga daotan wala na unya.”

Mga Footnote