Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 7:1-21

7  “Wala bay pinugos nga trabaho+ alang sa may-kamatayong tawo sa ibabaw sa yuta, Ug dili ba ang iyang mga adlaw sama sa mga adlaw sa usa ka sinuholang mamumuo?+   Ingon sa usa ka ulipon siya nagatinguha pag-ayo sa landong,+ Ug ingon sa usa ka sinuholang mamumuo siya nagahulat sa iyang suhol.+   Busa gipaagom ako sa walay-pulos nga lunar nga mga bulan,+ Ug mga gabii sa kasamok+ ilang giihap kanako.   Sa dihang ako makahigda na ako usab moingon, ‘Kanus-a ako mobangon?’+ Ug sa dihang ang kagabhion matapos na, ako usab matugob na sa pag-alindasay hangtod sa pagbanagbanag sa adlaw.   Ang akong unod naputos sa mga ulod+ ug sa mga abog nga tibugol;+ Ang akong panit nagkugankugan ug nagnangnang.+   Ang akong mga adlaw mas matulin+ pa kay sa lansadera sa maghahabol, Ug sila natapos nga walay paglaom.+   Hinumdomi nga ang akong kinabuhi maoy hangin;+ Nga ang akong mata dili na makakita pag-usab sa maayo.   Ang mata niya nga nagatan-aw kanako dili na makakita kanako; Imong ilantaw ang imong mga mata kanako, apan ako wala na unya.+   Ang panganod tino nga mahanaw ug magpahilayo; Mao man usab siya nga manaog ngadto sa Sheol dili na mosaka.+ 10  Dili na siya mobalik pa sa iyang balay, Ug ang iyang dapit dili na moila kaniya.+ 11  Ako usab, ako dili mopugong sa akong baba. Ako mosulti diha sa kasakit sa akong espiritu; Ako mabalaka sa kapait sa akong kalag!+ 12  Dagat ba ako o usa ka dakong linalang sa dagat, Nga ikaw magbutang ug usa ka bantay+ kanako? 13  Sa dihang ako miingon, ‘Ang akong higdaanan mohupay kanako, Ang akong higdaanan motabang pagpas-an sa akong kabalaka,’ 14  Ikaw gani naglisang kanako sa mga damgo, Ug sa mga panan-awon ikaw naghadlok kanako, 15  Mao nga gipili sa akong kalag nga matuok, Ang kamatayon+ inay kay ang akong kabukogan. 16  Gisalikway ko kini;+ hangtod sa panahong walay tino ako dili buot mabuhi. Lung-i ako, kay ang akong mga adlaw maoy hinungaw lamang.+ 17  Unsa ba ang may-kamatayong tawo+ nga ikaw magpadako man kaniya, Ug nga kaniya ikaw magpunting sa imong kasingkasing, 18  Ug nga sa matag buntag ikaw magtagad kaniya, Nga sa matag gutlo ikaw magsulay kaniya?+ 19  Nganong dili mo ilingiw ang imong pagsud-ong gikan kanako,+ O pasagdan ako hangtod matulon ko ang akong laway? 20  Kon ako nakasala, unsay akong mahimo batok kanimo, ang Tigpaniid sa katawhan?+ Nganong imo akong gipahimutang ingon nga imong ig-onon, nga sa ingon ako mahimong kabug-at kanimo? 21  Ug nganong dili mo pasayloon ang akong kalapasan+ Ug palabyon ang akong kasaypanan? Kay karon ako mohigda sa abog;+ Ug ikaw mangita gayod kanako, ug ako wala na unya.”

Mga Footnote