Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 6:1-30

6  Ug si Job mitubag ug miingon:   “Oh kon gitimbang pa unta sa tingob ang akong kasakitan,+ Ug sa samang higayon gibutang sa timbangan ang akong kagul-anan!   Kay karon kini bug-at pa kay sa balas sa kadagatan. Mao nga ang akong mga pulong pinasagad na lamang.+   Kay ang mga pana sa Labing Gamhanan ania kanako,+ Ang lala niini ginainom sa akong espiritu;+ Ang mga kalisang gikan sa Diyos naghan-ay batok kanako.+   Mobahihi ba ang usa ka sebra+ diha sa balili, O moinga ba ang usa ka torong baka diha sa iyang kompay?   Ang mga pagkaon nga tab-ang pagakan-on ba nga walay asin, O aduna bay lami ang danglog nga duga sa malvavisco?   Ang akong kalag nagdumili sa paghikap sa bisan unsa. Kini sila sama sa sakit diha sa akong kalan-on.   Oh itugot unta ang akong hangyo Ug ihatag unta sa Diyos ang akong gilaoman!   Ug ang Diyos magpadayon unta ug magdugmok kanako, Nga iyang buhian ang iyang kamot ug patyon ako!+ 10  Bisan kana sa gihapon maoy akong kahupayan; Ug ako molukso sa kalipay+ tungod sa akong mga kasakit, Bisan kon siya dili maluoy, kay wala ko itago ang mga pulong+ sa Balaang Usa.+ 11  Unsa bay akong kusog, nga ako magpadayon paghulat?+ Ug unsa ang akong kataposan, nga lugwayan ko pa ang akong kalag? 12  Ang ako bang kusog, kusog sa mga bato? O ang ako bang unod tumbaga? 13  Wala ba diay kanako ang pagtabang sa akong kaugalingon, Ug ang mabungahong pagbuhat giabog gikan kanako? 14  Ang bisan kinsa nga nagahikaw sa iyang isigkaingon ug mahigugmaong-kalulot,+ Iyang pagabiyaan usab bisan ang kahadlok sa Labing Gamhanan.+ 15  Ang kaugalingon kong mga igsoon nagmaluibon kanako,+ sama sa usa ka sapa sa tingtugnaw, Sama sa agos sa kasapaan sa tingtugnaw nga mangagi. 16  Kini mangitngit gumikan sa yelo, Diha niini ang niyebe magtago. 17  Sa takdang panahon sila mawad-ag tubig,+ sila mahilom; Sa dihang moinit mangamala sila diha sa ilang dapit.+ 18  Ang mga alagianan sa ilang dalan motipas; Sila mangadto sa awaaw nga dapit ug mangawagtang. 19  Ang nagapanaw nga mga panon sa Tema+ milantaw, Ang nagalakbay nga panon sa mga Sabeanhon+ naghulat kanila. 20  Sila sa tinuod nangaulaw tungod kay sila misalig; Sila nakaabot gayod sa maong dapit ug sila nahigawad.+ 21  Kay karon kamo nahimong walay hinungdan;+ Nakakita kamo ug kalisang, ug nangahadlok kamo.+ 22  Tungod ba kay ako miingon, ‘Hatagi ninyo ako, O gikan sa inyong gahom, panghatag kamo ug gasa kanako; 23  Ug luwasa ako gikan sa kamot sa kaaway,+ Ug gikan sa kamot sa mga malupigon tubsa ninyo ako’?+ 24  Tudloi ako, ug ako, sa akong bahin, maghilom;+ Ug pasabta ako sa sayop nga akong nahimo.+ 25  Ang mga pulong sa katul-id maoy—Oh dili masakit!+ Apan unsa bay ginabadlong nianang inyong pagbadlong?+ 26  Ang pagbadlong ba ug mga pulong maoy inyong gilaraw, Sa dihang ang mga pulong sa usa nga nawad-ag paglaom+ maoy alang lamang sa hangin?+ 27  Labi pa gayod nga inyong pagaripahan ang usa nga ilo-sa-amahan,+ Ug ibaylo ang inyong higala!+ 28  Ug karon, sige, pamati kamo kanako, Ug tan-awa kon ako magbakak+ ba sa inyong atubangan. 29  Palihog, balik—ayaw itugot nga motungha ang pagkadili-matarong— Oo, balik—ang akong pagkamatarong anaa pa niini.+ 30  Aduna bay pagkadili-matarong sa akong dila, O ang ako bang alingagngag dili makaila ug kalisdanan?

Mga Footnote