Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 5:1-27

5  “Panawag, palihog! Aduna bay motubag kanimo? Ug kinsa sa mga balaan ang imong dangpan?   Kay ang kahasol mopatay sa buangbuang, Ug ang kasina mopatay sa daling mahaylo.   Ako nakakita sa buangbuang nga migamot,+ Apan sa kalit akong gipanghimaraot ang iyang puloy-anang dapit.   Ang iyang mga anak nagpabiling halayo sa kaluwasan,+ Ug sila gidugmok diha sa ganghaan nga walay manluluwas.   Ang iyang pagaanihon pagakan-on sa gigutom; Ug bisan gikan sa mga kaw-it sa tig-ihaw may mokuha niini, Ug ang usa ka lit-ag magasakmit sa ilang panginabuhian.   Kay ang makadaot dili mogula gikan sa abog lamang, Ug ang kasamok dili motungha gikan sa yuta.   Kay ang tawo gipanganak alang sa kasamok, Ingon sa aligato nga molupad pataas.   Apan, ako mohangyo sa Diyos, Ug sa Diyos itugyan ko ang akong kawsa,+   Ngadto sa Usa nga nagabuhat ug dagkong butang nga dili matukib, Mga butang katingalahan nga dili maihap;+ 10  Ngadto sa Usa nga nagahatag ug ulan ibabaw sa nawong sa yuta+ Ug nagapadalag mga tubig sa kapatagan;+ 11  Ngadto sa Usa nga nagabutang niadtong mga ubos sa hataas nga dapit,+ Aron ang mga masulub-on mabayaw diha sa kaluwasan; 12  Ngadto sa Usa nga nagapakyas sa mga laraw sa mga maalamon,+ Aron ang ilang mga kamot dili makabuhat nga malamposon; 13  Ngadto sa Usa nga nagadakop sa maalamon sa ilang kaugalingong lipatlipat,+ Aron ang laraw sa mga igmat himoon nga dinalidali;+ 14  Ilang mahinagbo ang kangitngit bisan sa maadlaw, Ug sa kaudtohon sila mangapkap ingon sa gabii;+ 15  Ug ngadto sa Usa nga nagaluwas gikan sa espada sa ilang baba, Ug gikan sa kamot sa kusgan, sa usa nga kabos,+ 16  Aron ang mga timawa makabaton ug paglaom,+ Apan ang pagkadili-matarong magatak-om sa baba niini.+ 17  Tan-awa! Malipayon ang tawo nga ginabadlong sa Diyos;+ Ug ayaw isalikway ang disiplina sa Labing Gamhanan! 18  Kay siya nagapahinabog kasakit, apan nagabugkos sa samad; Siya nagadugmok, apan ang iyang mga kamot nagaayo. 19  Sa unom ka kasakit siya magaluwas kanimo,+ Ug sa pito walay kadaot nga modapat kanimo.+ 20  Panahon sa gutom magalukat gayod siya kanimo gikan sa kamatayon,+ Ug panahon sa gubat gikan sa gahom sa espada. 21  Gikan sa latigo sa dila ikaw pagatagoan,+ Ug ikaw dili mahadlok sa pagpangagaw sa dihang kini moabot. 22  Ang pagpangagaw ug ang gutom imong kataw-an, Ug dili nimo angayng kahadlokan ang ihalas nga mananap sa yuta. 23  Kay ang imong pakigsaad maoy uban unya sa mga bato sa kapatagan, Ug ang ihalas nga mananap sa kapatagan papuy-on nga makigdaiton uban nimo.+ 24  Ug ikaw mahibalo gayod nga ang pakigdait maoy imong tolda, Ug ikaw gayod moadto ug makakita sa imong sibsibanan, ug ikaw wala nay mailiw. 25  Ug ikaw mahibalo gayod nga ang imong kaliwat daghan+ Ug ang imong mga anak ingon sa mga tanom sa yuta.+ 26  Ikaw moadto sa lubnganan diha sa kabaskog,+ Ingon sa mga binangan nga uhay nga natapok sa ilang panahon. 27  Tan-awa! Kini ang among nasusi. Mao kini. Paminawa kini, ug ikaw—hibaloi kini sa imong kaugalingon.”

Mga Footnote