Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 41:1-34

41  “Makuha mo ba ang Leviatan+ pinaagi sa taga, O mapugngan mo ba ang iyang dila pinaagi sa pisi?   Matuhog mo ba ug tikog ang mga buho sa iyang ilong,+ O mabangag mo ba pinaagi sa usa ka tunok ang iyang mga apapangig?   Mohimo ba siyag daghang pangaliyupo kanimo, O mosulti ba siya ug malumong mga pulong kanimo?   Mohimo ba siya ug pakigsaad uban kanimo, Aron imo siyang himoon nga ulipon hangtod sa panahong walay tino?   Makigdula ka ba kaniya ingon sa usa ka langgam, O hiktan mo ba siya alang sa imong mga batan-ong kadalagahan?   Makigbaylo ba ang mga managkauban alang niini? Ila ba kining bahinbahinon taliwala sa mga magpapatigayon?   Pataroyan mo ba sa mga salapang+ ang iyang panit, O ang iyang ulo sa mga bangkaw?   Itapion ang imong kamot kaniya. Hinumdomi ang gubat. Ayaw na kana buhata pag-usab.   Tan-awa! Ang gidahom sa usa labot kaniya mapakyas gayod. Ang usa matumba usab bisan lamang sa pagtan-aw kaniya. 10  Walay usa nga mapangahason kaayo aron tugawon siya. Ug kinsa ang makapabilin pagbarog sa akong atubangan?+ 11  Kinsa ba ang unang nakahatag kanako, aron ako kinahanglang magbalos kaniya?+ Ang anaa sa ilalom sa tibuok kalangitan akoa man.+ 12  Dili ako magpakahilom mahitungod sa mga bahin sa iyang lawas O labot sa iyang pagkagamhanan ug sa kaanindot sa iyang porma. 13  Kinsa ba ang nakahukas sa nawong sa iyang besti? Nganha sa iyang dobleng apapangig kinsa ang makasulod? 14  Kinsa ang nakabukas sa mga pultahan sa iyang nawong? Ang iyang mga ngipon nga naglibot makalilisang. 15  Ang mga tudling sa mga himbis maoy iyang garbo, Tinakpan ingon ug pinaagig hugot nga timbre. 16  Sunson kaayo sila, Ug ang hangin dili gani makasulod sa taliwala kanila. 17  Sila nanagtapot; Sila nalanggikit sa usag usa ug dili mabulag. 18  Ang iyang pagpangusmo mopakidlap ug kahayag, Ug ang iyang mga mata ingon sa mga bidlisiw sa sayong kabuntagon. 19  Gikan sa iyang baba manggula ang mga kidlap sa kilat, Bisan ang mga aligato sa kalayo managpanggawas. 20  Gikan sa mga buho sa iyang ilong magagula ang aso, Ingon sa usa ka hudno nga gipasiga pinaagi sa mga tikog. 21  Ang iyang kalag makapasiga sa mga uling, Ug may kalayo usab nga nagagula sa iyang baba. 22  Sa iyang liog nagapuyo ang kusog, Ug sa iyang atubangan nagalukso ang kawalay-paglaom. 23  Ang mga lapi sa iyang unod nagtapot; Sila ingon sa usa ka hinulma sa ibabaw niya, dili matarog. 24  Ang iyang kasingkasing gihulma sama sa bato, Oo, gihulma sama sa ilalom nga galingan nga bato. 25  Tungod sa iyang pagtindog ang mga kusgan mangalisang;+ Tungod sa kakurat sila mangalibog. 26  Sa pagkaapas kaniya, ang espada walay katakos, Ni ang bangkaw, ang igpalantig o ang sima sa pana.+ 27  Giisip niya ang puthaw+ ingon sa uhot lamang, Ang tumbaga ingon sa gabok nga kahoy. 28  Ang pana dili makaabog kaniya; Alang kaniya ang mga bato sa lambuyog+ nahimong dagami lamang. 29  Ang puspos iyang giisip ingon nga dagami lamang,+ Ug iyang kataw-an ang hinagiyos sa salapang. 30  Ingon sa talinis nga mga bika ang iyang ilalom nga mga bahin; Sa ibabaw sa lapok iyang gipahiluna ang usa ka galamiton sa paggiok.+ 31  Ginapabukal niya ang mga kahiladman sama sa usa ka kulon; Ginahimo niya ang dagat nga sama sa usa ka kulon sa pahumot. 32  Sa iyang luyo iyang ginapadan-ag ang usa ka agianan; Ang usa magaisip sa halawom nga katubigan ingon nga pagkaubanon. 33  Sa ibabaw sa yuta walay usa nga sama kaniya, Usa nga gibuhat nga dili malisang. 34  Ang tanang butang nga hataas iyang makita. Hari siya sa tanang harianong ihalas nga mga mananap.”

Mga Footnote