Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Job 40:1-24

40  Ug si Jehova mitubag kang Job ug miingon:   “May pakigtigi ba ang tigpangitag sayop batok sa Labing Gamhanan?+ Patubaga niini ang magbabadlong sa Diyos.”+  Ug si Job mitubag kang Jehova ug miingon:   “Tan-awa! Ako nahimong walay-bili.+ Unsay akong ikatubag kanimo? Gitapion ko ang akong kamot sa akong baba.+   Nakasulti ako sa makausa, ug ako dili na motubag; Ug sa makaduha, ug wala na akoy idugang.”  Ug si Jehova mitubag kang Job gikan sa unos+ ug miingon:   “Palihog, baksi ang imong hawak sama sa usa ka tawo nga lig-on ug lawas;+ Mangutana ako kanimo, ug suginli ako.+   Sa pagkatinuod, imo bang kawangon ang akong hustisya? Ipahayag mo ba ako nga daotan aron nga ikaw ang husto?+   O ikaw ba may bukton nga sama nianang iya sa matuod nga Diyos,+ Ug makapadalugdog ka ba ug tingog nga sama sa iyaha?+ 10  Sul-obi ang imong kaugalingon, palihog, sa pagkalabaw+ ug pagkahataas;+ Ug bestihan mo ang imong kaugalingon sa dignidad+ ug kahalangdon.+ 11  Ipahungaw ang mga nagpungasi mong kasuko,+ Ug tan-awa ang tagsatagsa nga mapahitas-on ug yudyora siya sa ubos. 12  Tan-awa ang tagsatagsa nga mapahitas-on, ipaubos siya,+ Ug tamaktamaki ang daotan diha mismo sa ilang nahimutangan. 13  Tagoi sila sa tingob diha sa abog,+ Lukobi ang ilang mga nawong diha sa tagong dapit, 14  Ug ako, ako mismo, magadayeg kanimo, Tungod kay ang imong tuong kamot makaluwas kanimo. 15  Ania, karon, ang Behemot nga akong gibuhat ingon man usab ikaw. Nagakaon kini sa lunhawng balili+ ingon sa torong baka. 16  Ania, karon, ang iyang gahom anaa sa iyang hawak, Ug ang iyang dinamikong kusog+ anaa sa mga ugat sa iyang tiyan. 17  Iyang bawogon ang iyang ikog sama sa usa ka sedro; Ang mga ugat sa iyang paa nagkalanggikit. 18  Ang iyang mga bukog maoy mga tubo nga tumbaga; Ang iyang lig-ong mga bukog ingon sa sinalsal nga mga puthawng olisi. 19  Kini mao ang sinugdanan sa mga paagi sa Diyos; Ang Magbubuhat+ niini makapaduol sa iyang espada. 20  Kay ang kabukiran nagapatungha sa ilang abot alang kaniya,+ Ug ang tanang ihalas nga mananap sa kapatagan nagadula didto. 21  Sa ilalom sa tunokon nga mga kahoyng lotus siya nagalubog, Sa natagong dapit sa mga tangbo+ ug sa kalamakan.+ 22  Gisalimbongan siya sa tunokon nga mga kahoyng lotus pinaagi sa ilang landong; Ang mga alamo sa bul-oganang walog nagalibot kaniya. 23  Kon ang suba magmabangison, siya dili modagan sa kalisang. Siya masaligon, bisan pag ang Jordan+ mosugwak nganha sa iyang baba. 24  Atubangan sa iyang panan-aw may makakuha ba kaniya? May makabangag ba sa iyang ilong pinaagig mga lit-ag?

Mga Footnote