Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 4:1-21

4  Ug si Elipaz+ nga Temanhon mitubag ug miingon:   “Kon may mosulay sa usa ka pulong kanimo, maluya ka ba? Apan kinsay makahimo sa pagpugong ug mga pulong?   Tan-awa! Daghan ang imong natul-id,+ Ug ang maluya nga mga kamot imong gipabaskog.+   Bisan kinsa nga mapandol pagabangonon sa imong mga pulong;+ Ug ang mga tuhod nga miangka imong palig-onon.+   Apan niining higayona kini miabot kanimo, ug ikaw naluya; Kini nagtandog kanimo, ug ikaw natugaw.   Dili ba ang imong pagkamatinahoron sa Diyos mao ang pasukaranan sa imong pagsalig? Dili ba ang imong paglaom mao gayod ang integridad+ sa imong mga dalan?   Palihog hinumdomi: Kinsa ba ang walay sala nga nawagtang sukad? Ug diin ba nga ang matul-id+ napapha sukad?   Sumala sa akong nakita, kadtong nagalaraw kon unsay makadaot Ug kadtong nagapugas ug kasamok, sila magaani niini.+   Pinaagi sa gininhawa sa Diyos sila mangalaglag, Ug pinaagi sa espiritu sa iyang kasuko sila mangatibawas. 10  Anaa ang pagngulob sa usa ka leyon, ug ang tingog sa usa ka nating leyon, Apan ang mga ngipon sa may-lambungay nga nating leyon mangahingo. 11  Ang usa ka leyon mamatay tungod kay walay tukbonon, Ug ang mga nati sa leyon magkabulagbulag. 12  Karon may pulong nga gihinok pagdala kanako, Ug ang akong igdulungog nakadawat ug hunghong gikan niini,+ 13  Sa makapatugaw nga mga hunahuna gikan sa mga panan-awon sa kagabhion, Sa dihang mahinanok ang mga tawo. 14  Giabot ako ug kalisang, ug pagpangurog, Ug ang daghan kong kabukogan gipuno niini sa kalisang. 15  Ug ang usa ka espiritu milabay sa akong atubangan; Ang balhibo sa akong lawas nanglimbawot. 16  Kini mihunong, Apan wala ko hiilhi ang dagway niini; Dihay usa ka hitsura atubangan sa akong mga mata; Dihay kahilom, ug ako karon nakadungog ug tingog: 17  ‘Ang may-kamatayong tawo—mahimo ba nga mas matarong pa siya kay sa Diyos? O mahimo ba nga ang usa ka tawo nga lig-on ug lawas mas hinlo pa kay sa iyang Magbubuhat?’ 18  Tan-awa! Sa iyang mga alagad siya walay pagsalig, Ug ang iyang mga mensahero iyang giakusahan nga masalaypon. 19  Ilabina na gayod kadtong nagapuyo sa mga balay nga yutang-kulonon, Kansang patukoranan anaa sa abog!+ Ginadugmok sila nga mas dali pa kay sa usa ka tangkob. 20  Gikan sa buntag hangtod sa gabii sila gigupokgupok; Sila nangalaglag hangtod sa kahangtoran nga walay usa nga nagtagad. 21  Wala ba bunlota ang ilang pisi sa tolda sa sulod nila? Sila nangamatay tungod sa kakulang sa kaalam.

Mga Footnote