Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 39:1-30

39  “Nakahibalo ka ba sa tinudlong panahon nga manganak ang mga kanding sa bukid sa dakong bato?+ Nakapaniid ka ba kon kanus-a manganak ang bayeng osa+ uban ang mga kaul-ol sa pagpanganak?   Giihap mo ba ang lunar nga mga bulan nga ilang bug-oson, O nakahibalo ka ba sa tinudlong panahon nga sila manganak?   Sila motikubo sa dihang ilang ipagula ang ilang mga anak, Sa dihang magahaw-as sila sa ilang mga kaul-ol.   Ang ilang mga anak mahimong himsog, sila modako diha sa kapatagan; Sila manglakaw ug dili na mamalik kanila.   Kinsa ba ang nagpahigawas sa sebra,+ Ug kinsa ang nagbadbad sa mga gapos sa ihalas nga asno,   Kansang balay akong gitudlo ang desyertong kapatagan Ug kansang puloy-anang mga dapit ang yuta nga asin?+   Kataw-an niini ang kaguliyang sa usa ka lungsod; Kini dili makadungog sa kabanha sa mangungukoy.+   Kini magasuhid sa kabukiran alang sa sibsibanan niini+ Ug pangitaon niini ang tanang matang sa lunhawng tanom.+   Magtinguha ba pag-alagad kanimo ang usa ka ihalas nga torong baka,+ O mopalabay ba kini sa kagabhion diha sa imong pasungan? 10  Imo bang igaid ang ihalas nga torong baka pinaagi sa mga pisi niini diha sa tudling, O magakaras+ ba kini sa ubos nga kapatagan sunod kanimo? 11  Mosalig ka ba niini tungod kay kini kusgan kaayo, Ug tugyanan mo ba kini sa imong buluhaton? 12  Mosalig ka ba niini nga iyang dad-og balik ang imong binhi Ug magahakot kini ngadto sa imong giokanan? 13  Ang pako ba sa baye nga ostrik nagkapakapa sa kalipay, O siya ba may mga pako ug mga balhibo sa cigueña?+ 14  Kay iya man nga biyaan ang iyang mga itlog sa yuta Ug sa abog iyang painitan sila, 15  Ug iyang hikalimtan nga may tiil nga mahimong makadugmok kanila O matumban sila sa usa ka ihalas nga mananap sa kapatagan. 16  Siya maharasharason sa iyang mga anak, nga daw dili iyaha+ Kawang ang iyang pagbudlay tungod kay siya walay kahadlok. 17  Kay gipakalimtan sa Diyos kaniya ang kaalam, Ug siya wala maghatag kaniya ug usa ka bahin sa pagsabot.+ 18  Sa diha nga ikapakapa niya ang iyang mga pako sa itaas, Iyang kataw-an ang kabayo ug ang nagasakay niini. 19  Makahatag ka ba sa kabayo ug kusog?+ Makabesti ka ba sa iyang liog ug lambungay nga magahaguros? 20  Makapalukso ka ba niini sama sa usa ka dulon? Ang himaya sa iyang pagpangusmo makalilisang.+ 21  Kini magakakha+ diha sa ubos nga patag ug magsadya sa kusog; Kini mogula aron sa pagpakigharong sa mga hinagiban.+ 22  Kataw-an niini ang kahadlok, ug kini dili malisang;+ Ni motalikod kini tungod sa espada. 23  Mokagilkil batok niini ang usa ka udyongan, Ang sulab sa bangkaw ug ang salapang. 24  Uban ang pagpatagubtob ug pagkahinam kini magalamoy sa yuta, Ug kini dili motuo nga tingog kadto sa budyong. 25  Inigtingog gayod sa budyong kini moingon nga Aha! Ug gikan sa halayo makapanimaho kini sa gubat, Sa kagahob sa mga pangulo ug sa singgit sa pakiggubat.+ 26  Tungod ba sa imong panabot nga ang banog molupad pataas, Nga magabukhad kini sa iyang mga pako ngadto sa hangin sa habagatan? 27  O tungod ba sa imong mando nga ang agila+ molupad pataas Ug nga kini magbalay sa iyang salag sa itaas,+ 28  Nga magapuyo kini sa pangpang ug magapabilin didto panahon sa kagabhion Diha sa ngilit sa usa ka pangpang ug sa lisod adtoon nga dapit? 29  Gikan didto mangita kini ug pagkaon;+ Ngadto sa halayo ang iyang mga mata magatan-aw. 30  Ug ang iyang mga kuyabog magasupsop ug dugo; Ug hain gani ang mga patay, atua usab kini.”+

Mga Footnote