Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 37:1-24

37  “Sa pagkatinuod ang akong kasingkasing nangurog+ niini, Ug milukso kini gikan sa iyang dapit.   Pamati kamo pag-ayo sa dinahunog sa iyang tingog,+ Ug sa ngulob nga mogula gikan sa iyang baba.   Sa ilalom sa tibuok kalangitan iya kining gibuhian, Ug ang iyang kilat+ abot sa mga kinatumyan sa yuta.   Human niana ang usa ka tingog modahunog; Siya modalugdog+ uban sa tingog sa iyang pagkalabaw,+ Ug siya dili magpugong kanila sa dihang madungog ang iyang tingog.+   Ang Diyos magapadalugdog sa iyang tingog+ sa katingalahang paagi, Nga magabuhat ug dagkong mga butang nga dili nato arang mahibaloan.+   Kay ngadto sa niyebe siya moingon, ‘Pangatagak kamo sa yuta,’+ Ug ngadto sa ulan, bisan ngadto sa iyang makusog nga ulan.+   Butangan niya ug timbre ang kamot sa tanang yutan-ong tawo Aron mahibaloan sa tanang may-kamatayong tawo ang iyang buhat.   Ug ang ihalas nga mananap moadto sa pagbanhig, Ug kini mopuyo sa iyang tagoanang mga dapit.+   Gikan sa sulod nga lawak+ moabot ang unos Ug ang katugnaw gikan sa hangin nga amihan.+ 10  Pinaagi sa gininhawa sa Diyos ang yelo gihatag+ Ug ang gilapdon sa katubigan pinugngan.+ 11  Oo, pinaagi sa yamog siya nagpabug-at sa panganod, Ang iyang kahayag+ nagkatag sa bagang panganod, 12  Ug kini gipatuyok pinaagi sa iyang paggiya kanila alang sa ilang buluhaton Sa bisan diin nga iyang mandoan+ sila sa nawong sa mabungahong kayutaan sa yuta. 13  Ingong bunal+ o alang sa iyang yuta+ O ingong mahigugmaong-kalulot,+ iyang gipahinabo nga kini magpatunghag mga resulta. 14  Paminawa kini, Oh Job; Hunong ug magmatinagdanon sa katingalahang mga buhat sa Diyos.+ 15  Nahibalo ka ba kon kanus-a ang Diyos nagpahimutang ug mando kanila,+ Ug kon kanus-a siya nagpadan-ag sa kahayag sa iyang panganod? 16  Nahibalo ka ba sa mga panimbang sa panganod,+ Sa katingalahang mga buhat sa Usa nga hingpit sa kahibalo?+ 17  Kon ngano nga ang imong mga besti mainit Sa dihang ang yuta mahilom tungod sa hangin nga habagat?+ 18  Uban kaniya masalsal mo ba ang kalangitan+ Nga magahi sama sa salamin nga inumol? 19  Ipahibalo kanamo kon unsay among isulti kaniya; Dili kami makapatunghag mga pulong tungod sa kangitngit. 20  Isugilon ba ngadto kaniya nga ako mosulti? O may tawo ba nga nag-ingon nga kini isaysay?+ 21  Ug karon sila wala gayod makakita sa kahayag; Madan-ag kini diha sa kalangitan, Sa dihang ang hangin miagi ug naghinlo kanila. 22  Gikan sa amihanan moabot ang usa ka bulawanong kahayag. Diha sa Diyos ang dignidad+ makalilisang. 23  Kon bahin sa Labing Gamhanan, kita wala makatukib kaniya;+ Siya binayaw sa gahom,+ Ug ang hustisya+ ug ang dagayang pagkamatarong+ dili niya pagatamayon.+ 24  Busa ang mga tawo angay nga mahadlok kaniya.+ Dili niya hatagag pagtagad ang bisan kinsa nga maalamon sa ilang kaugalingong kasingkasing.”+

Mga Footnote