Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Job 36:1-33

36  Ug si Elihu nagpadayon sa pag-ingon:   “Pailobi una ako makadiyot, ug ipahayag ko kanimo Nga aduna pay mga pulong nga ikasulti alang sa Diyos.   Dad-on ko ang akong kahibalo gikan sa halayo, Ug sa akong Mag-uumol ipahinungod ko ang pagkamatarong.+   Kay sa pagkamatuod ang akong mga pulong dili bakak; Ang Usa nga hingpit sa kahibalo+ anaa uban kanimo.   Tan-awa! Ang Diyos gamhanan+ ug dili mosalikway; Siya gamhanan sa kagahom sa pagsabot;   Dili niya tipigang buhi si bisan kinsa nga daotan,+ Apan ang paghukom sa mga sinakit iyang ihatag.+   Dili niya ibulag ang iyang mga mata gikan kang bisan kinsa nga matarong;+ Bisan ang mga hari nga anaa sa trono+ Siya magpalingkod usab kanila hangtod sa kahangtoran, ug sila pagabayawon.   Ug kon sila gigapos sa mga talikala,+ Sila nadakpan sa mga pisi sa kasakitan.   Unya iyang sultihan sila sa ilang binuhatan Ug sa ilang mga kalapasan, tungod kay sila naghinambog. 10  Ug iyang buksan ang ilang igdulungog sa pagtambag,+ Ug iyang isulti nga angay nilang talikdan ang makadaot.+ 11  Kon sila motuman ug moalagad, Matapos nila ang ilang mga adlaw diha sa kon unsay maayo Ug ang ilang mga tuig diha sa kahimuot.+ 12  Apan kon sila dili motuman, sila mamatay+ pinaagi sa usa ka udyong,+ Ug sila mabugtoan sa gininhawa nga walay kahibalo. 13  Ug kadtong mga apostata sa kasingkasing magatigom ug kasuko.+ Sila dili angay motuaw alang sa tabang kay iyang gigapos sila. 14  Ang ilang kalag mangamatay sa pagkabatan-on,+ Ug ang ilang kinabuhi taliwala sa mga lalaking pampam sa templo.+ 15  Iyang luwason ang sinakit diha sa iyang kasakitan, Ug iyang buksan ang ilang igdulungog diha sa pagpanglupig. 16  Ug siya magadani usab kanimo gikan sa baba sa kasakitan!+ Mas halapad nga luna,+ dili sigpit, ang maanaa sa dapit niini, Ug ang kahupayan sa imong lamesa mapuno sa katambok.+ 17  Ikaw mabusog gayod sa hudisyal nga silot sa usa nga daotan;+ Ang hudisyal nga silot ug ang hustisya magahawid. 18  Kay pagbantay nga ang kaaligutgot+ dili magdani kanimo sa pagpakpak nga mapangdaoton, Ug ayaw itugot nga ang dakong lukat+ magapahisalaag kanimo. 19  Mosaler ba ang imong pagtuaw alang sa tabang?+ Dili, ni sa panahon sa kasakit Bisan ang tanan nimong kusganong mga paningkamot.+ 20  Ayaw pagtinguhaa uyamot ang kagabhion, Nga ang mga katawhan mopahawa gikan sa ilang nahimutangan. 21  Pagbantay nga ikaw dili moliso ngadto sa makadaot,+ Sanglit kini ang imong gipili inay kay sa kasakitan.+ 22  Tan-awa! Ang Diyos matugbawong molihok uban sa iyang gahom; Kinsa ba ang magtutudlo nga sama kaniya? 23  Kinsay nakighusay batok kaniya bahin sa iyang dalan,+ Ug kinsay nag-ingon, ‘Ikaw nakabuhat ug pagkadili-matarong’?+ 24  Hinumdomi nga angay mong padakoon ang iyang buhat+ Nga giawit sa mga tawo.+ 25  Ang tanang katawhan nagsud-ong niana; Ang may-kamatayong tawo nagpadayon pagtan-aw niana gikan sa halayo.+ 26  Tan-awa! Ang Diyos labi pang binayaw kay sa atong arang nga mahibaloan;+ Ang gidaghanon sa iyang mga tuig dili matukib.+ 27  Kay iyang giisa sa itaas ang mga tinulo sa tubig;+ Sila nasala ingong ulan alang sa iyang gabon, 28  Mao nga ang mga panganod motaligsik,+ Sila motulo nga madagayaon ibabaw sa katawhan. 29  Sa pagkatinuod, kinsay makatugkad sa mga lut-od sa panganod, Sa mga dinaguok gikan sa iyang balongbalong?+ 30  Tan-awa! Iyang gisabwag sa ibabaw niana ang iyang kahayag,+ Ug ang mga gamot sa dagat iyang gitabonan. 31  Kay pinaagi kanila siya nagalaban sa kawsa sa mga katawhan;+ Siya nagahatag ug dagayang pagkaon.+ 32  Sa iyang kamot iyang gitabonan ang kilat, Ug gisugo niya kini batok sa usa ka tig-atake.+ 33  Ang iyang dahunog nagasaysay bahin kaniya,+ Ingon man usab ang kahayopan mahitungod sa usa nga moabot.

Mga Footnote