Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 35:1-16

35  Ug si Elihu nagpadayon sa pagtubag ug sa pag-ingon:   “Mao ba kini ang imong giisip nga hustisya? Ikaw miingon, ‘Ang akong pagkamatarong labaw pa kay sa iya sa Diyos.’+   Kay ikaw nag-ingon, ‘Unsay kapuslanan niini alang kanimo?+ Unsay mabatonan kong kaayohan nga labaw pa kay sa akong pagkasala?’+   Ako motubag kanimo Ug sa imong mga higala+ nga uban nimo.   Hangad sa langit+ ug tan-aw, Ug tan-awa ang mga panganod,+ nga sila mas taas pa gayod kay kanimo.   Kon ikaw tinuod nga makasala, unsay imong malampos batok kaniya?+ Ug kon ang imong mga pagsukol modaghan, unsay imong mahimo kaniya?   Kon ikaw husto man gayod, unsay imong ikahatag kaniya, O unsa ang iyang madawat gikan sa imong kamot?+   Ang imong pagkadaotan maoy batok sa usa ka tawo nga sama kanimo,+ Ug ang imong pagkamatarong ngadto sa usa ka anak sa yutan-ong tawo.+   Tungod sa kadaghan sa pagpanglupig sila kanunayng nagatawag alang sa tabang;+ Sila kanunayng nagatuaw sa pagpakitabang tungod sa bukton sa mga bantogan.+ 10  Bisan pa niana walay miingon, ‘Hain ba ang Diyos nga akong Dakong Magbubuhat,+ Ang Usa nga nagahatag ug mga awit sa pagdayeg sa kagabhion?’+ 11  Siya ang Usa nga nagatudlo+ kanato labaw pa sa mga mananap sa yuta,+ Ug siya naghimo kanatong mas maalamon kay sa mga naglupad nga linalang sa kalangitan. 12  Didto sila kanunay nga nagtuaw, apan siya dili motubag,+ Tungod sa garbo+ sa mga daotan. 13  Apan ang kabakakan dili paminawan sa Diyos,+ Ug ang Labing Gamhanan dili motan-aw niana.+ 14  Nan, ilabina gayod kon ikaw moingon nga ikaw wala makakita kaniya!+ Ang legal nga kaso anaa sa iyang atubangan, ug busa angay kang maghulat kaniya nga matinguhaon.+ 15  Ug karon tungod kay ang iyang kasuko wala man makighusay,+ Wala usab niya tagda ang hilabihang pagkamahinaykon.+ 16  Ug si Job nagbuka pag-ayo sa iyang baba sa wala lamay kapuslanan; Sa walay kahibalo siya nagpadaghan sa mga pulong lamang.”+

Mga Footnote