Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Job 3:1-26

3  Pagkatapos niini si Job mibuka sa iyang baba ug gipanghimaraot ang iyang adlaw.+  Si Job karon mitubag ug miingon:   “Wagtanga ang adlaw nga akong gikatawhan,+Ug ang gabii usab nga may miingon, ‘Usa ka tawo nga lig-on ug lawas gipanamkon!’   Kon bahin nianang adlawa, pangitngita kana.Ayaw kana ipapangita sa Diyos gikan sa itaas,Ni pasidlakon niana ang kahayag sa adlaw.   Ipabawi kana sa kangitngit ug sa mabagang kangiob.Papuy-a ang usa ka dag-om ibabaw niana.Pahadloka niana ang mga butang nga makapangitngit sa adlaw.+   Kanang gabhiona—⁠ipasakmit kana sa kangiob;+Ayaw kana pagpalipaya taliwala sa mga adlaw sa usa ka tuig;Sa gidaghanon sa lunar nga bulan ayaw kana ilakip.   Tan-awa! Kanang gabhiona—⁠himoa kana nga baog;Ayaw pasudla niana ang hugyaw sa kalipay.+   Ipapanghimaraot kana sa mga magtutunglo sa adlaw,Niadtong andam sa pagpukaw sa Leviatan.+   Pangitngita ang mga bituon sa iyang pagkilumkilom;Pahulata kana sa kahayag ug walay motunghang kahayag;Ug ayaw kana pakit-a sa mga dan-ag sa kaadlawon. 10  Kay kana wala magtak-op sa mga ganghaan sa tiyan sa akong inahan,+Ug niana tagoan ang kasamok gikan sa akong mga mata. 11  Nganong wala ako mamatay gikan sa tagoangkan?+Nganong wala ako mogula gikan sa tiyan ug unya mabugtoan sa gininhawa? 12  Nganong ang mga tuhod midawat kanako,Ug kon sa unsa ang mga dughan+ nga akong pagasus-an? 13  Kay sa pagkakaron ako unta nakahigda na aron ako dili na matugaw;+Nan ako unta nahikatulog na; ako unta nakapahulay na+ 14  Uban sa mga hari ug mga magtatambag sa yuta,+Kadtong nagatukod ug biniyaang mga dapit alang sa ilang kaugalingon,+ 15  O uban sa mga prinsipe nga adunay bulawan,Kadtong nagapuno sa ilang mga balay ug plata; 16  O, sama sa nakuha-sa-pagsabak+ sa tago, ako wala unta,Sama sa mga bata nga wala makakita ug kahayag.+ 17  Didto ang mga daotan mihunong na pagsamok,+Ug didto ang mga nawad-ag kusog nagapahulay.+ 18  Sa tingob ang mga binilanggo nagmalinawon;Ang tingog sa usa nga nagpugos kanila sa pagtrabaho+ dili gayod nila madungog. 19  Ang gagmay ug dagko samang atua didto,+Ug ang ulipon gipahigawas na gikan sa iyang agalon. 20  Nganong nagahatag siya ug kahayag sa usa nga anaa sa kalisdanan,Ug kinabuhi ngadto sa mga mapait ug kalag?+ 21  Nganong may mga nagahulat sa kamatayon, ug kini wala,+Bisan pag nagpadayon sila sa pagkalot alang niini nga labaw pa kay sa tinagong mga bahandi? 22  Kadtong nagamaya sa hilabihang kangaya,Sila nagasadya tungod kay sila nakakaplag ug lubnganan. 23  [Nganong nagahatag siya ug kahayag] sa tawo nga lig-on ug lawas, kansang dalan gitagoan,+Ug kinsa gialaran sa Diyos?+ 24  Kay ang akong pagpanghupaw magauna sa akong pagkaon,+Ug ang akong pag-agulo gibubo sama sa mga tubig;+ 25  Tungod kay gikalisangan ko ang usa ka makalilisang nga butang, ug kini midangat kanako;Ug ang gikahadlokan ko miabot kanako.+ 26  Ako wala mahigawas sa kabalaka, ni ako nagmalinawon,Ni nakapahulay, bisan pa niana ang kasamok moabot.”

Mga Footnote