Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Job 29:1-25

29  Ug si Job mipatugbaw pag-usab sa iyang panultihon ug nagkanayon:   “Oh nga unta didto ako niadtong lunar nga mga bulan sa kanhing panahon,+ Ingon niadtong mga adlaw sa dihang ang Diyos nagbantay kanako;+   Sa dihang ang iyang lampara iyang gipadan-ag ibabaw sa akong ulo, Sa dihang gilatas ko ang kangitngit pinaagi sa iyang kahayag;+   Ingon niadtong ako diha pa sa kinabaskogan nga yugto sa akong mga adlaw,+ Sa dihang ang pagkasuod uban sa Diyos diha pa sa akong tolda;+   Sa dihang ang Labing Gamhanan kauban pa nako, Sa dihang ang akong mga tig-alagad naglibot kanako!   Sa dihang ang akong mga lakang gihugasan ko sa mantekilya, Ug ang bato kanunayng nagpaagay kanako ug mga sapa nga lana;+   Sa dihang miadto ako sa ganghaan duol sa lungsod,+ Didto sa plasa giandam ko ang akong lingkoranan!+   Ang mga bata nakakita kanako ug nanago, Ug bisan ang mga tigulang nanindog, sila mibarog.+   Ang mga prinsipe nagpugong sa mga pulong, Ug ang palad ilang gisampong sa ilang baba.+ 10  Ang tingog sa mga pangulo gitagoan, Ug ang ilang dila mitapot sa ilang alingagngag.+ 11  Kay ang igdulungog namati ug gipahayag ako nga malipayon, Ug ang mata nakakita ug nagpamatuod kanako. 12  Kay luwason ko man ang mga sinakit nga nagtuaw alang sa tabang,+ Ug ang batang ilo-sa-amahan ug si bisan kinsa nga walay magtatabang.+ 13  Ang panalangin+ sa usa nga himalatyon—kana modangat kanako, Ug ang kasingkasing sa babayeng balo akong lipayon.+ 14  Gisul-ob ko ang pagkamatarong, ug kini nahimo nga akong besti.+ Ang akong hustisya maoy ingon sa usa ka kupo nga walay bukton—ug usa ka purong. 15  Ako nahimong mga mata alang sa buta;+ Ug mga tiil alang sa bakol. 16  Ako nahimong tinuod nga amahan sa mga kabos;+ Ug ang legal nga kaso sa wala ko hiilhi—akong pagausisahon.+ 17  Ug akong balion ang mga bukog sa apapangig sa mga mamumuhat ug daotan,+ Ug gikan sa iyang mga ngipon akong labnoton ang tinukob. 18  Ug ginaingon ko, ‘Sa akong salag ako mabugtoan sa gininhawa,+ Ug ingon sa mga lugas sa balas padaghanon ko ang akong mga adlaw.+ 19  Ang akong gamot bukas alang sa katubigan,+ Ug ang yamog magpabilin sa akong sanga sa tibuok nga gabii. 20  Ang akong himaya nga ania kanako lunhaw, Ug ang busogan nga ania sa akong kamot sublisubling magapana.’ 21  Kanako sila namati; ug sila naghulat, Ug sila magahilom alang sa akong tambag.+ 22  Human sa akong pulong sila dili na mosulti pag-usab, Ug ang akong pulong motulo ibabaw nila.+ 23  Ug sila nagpaabot kanako ingon sa pagpaabot sa ulan,+ Ug ang ilang baba ilang gibuka pag-ayo alang sa ulan sa tingpamulak.+ 24  Ako mipahiyom kanila—wala sila motuo niana— Ug ang kahayag sa akong nawong+ wala nila isalikway. 25  Gipili ko ang dalan alang kanila, ug ako naglingkod ingon nga pangulo; Ug ako nagpuyo ingon nga usa ka hari taliwala sa iyang mga panon,+ Ingon nga usa nga nagahupay sa mga nagbangotan.+

Mga Footnote