Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 28:1-28

28  “Sa pagkatinuod, adunay dapit diin makaplagan ang plata Ug usa ka dapit alang sa bulawan nga ilang dalisayon;+   Ang puthaw ginakuha gikan sa yuta+ Ug ang tumbaga ginabubo gikan sa bato.   Iyang gitakda ang kataposan sa kangitngit; Ug sa matag kinutoban siya nagapangita+ Ug bato diha sa kangitngit ug sa mabagang kangiob.   Siya nagkubkob ug tunel nga halayo sa dapit nga gipuy-an sa mga tawo ingon nga mga langyaw,+ Mga dapit nga nakalimtan na nga halayo sa tiil; Ang pipila sa mga may-kamatayong tawo nagtabyogtabyog paubos, sila nagkombitay.   Kon bahin sa yuta, gikan niini magagula ang pagkaon;+ Apan sa ilalom niini, kini gibali ingon ug pinaagi sa kalayo.   Ang mga bato niini mao ang dapit sa sapiro,+ Ug kini adunay polbos nga bulawan.   Usa ka agianan—walay langgam nga mandadagit+ ang nakahibalo niini, Ni nakakita niini ang mata sa banog nga itom.+   Ang harianong ihalas nga mga mananap wala makabantok niini; Wala makaagi niini ang nating leyon.   Gikab-ot niya ang iyang kamot sa santik; Gilintuwad niya ang kabukiran gikan sa ilang gamot; 10  Sa mga bato iyang gipaagi ang punog-tubig nga mga kanal,+ Ug ang tanang bililhong butang nakita sa iyang mata. 11  Iyang gisap-ongan ang mga dapit nga gikan niana ang mga suba nagadagayday,+ Ug ang tinagong butang iyang gibutyag sa kahayag. 12  Apan ang kaalam—asa kini hikaplagi,+ Ug asa, karon, ang dapit sa pagsabot? 13  Ang may-kamatayong tawo wala masayod sa bili niini,+ Ug kini dili makaplagan diha sa yuta sa mga buhi. 14  Ang halawom nga katubigan miingon, ‘Kini wala diri kanako!’ Ang dagat usab miingon, ‘Kini wala diri kanako!’+ 15  Ang lunsayng bulawan dili ikabaylo niini,+ Ug ang plata dili matimbang ingon nga bili alang niini. 16  Dili kini kabayran sa bulawan sa Opir,+ Sa talagsaong bato nga onyx ug sa sapiro. 17  Ang bulawan ug bildo dili ikatandi niini, Ni ang usa ka sudlanan nga dinalisayng bulawan ikabaylo niini. 18  Ang korales+ ug ang batong kristal dili pagahisgotan, Apan ang usa ka puntil nga kaalam bililhon pa kay sa usa nga puno sa mga perlas.+ 19  Ang topasyo+ sa Cus dili ikatandi niini; Dili kini kabayran bisan sa lunsay nga bulawan. 20  Apan ang kaalam—diin man diay kini magagikan,+ Ug asa, karon, ang dapit sa pagsabot? 21  Kini tinago gikan sa mga mata sa tanan nga buhi,+ Ug gikan sa naglupad nga mga linalang sa kalangitan kini sinalipdan. 22  Ang kalaglagan ug ang kamatayon miingon, ‘Nabatian namo sa among mga igdulungog ang taho bahin niini.’ 23  Ang Diyos mao ang nakasabot sa dalan niini,+ Ug siya nahibalo sa dapit niini, 24  Kay siya nagatan-aw ngadto gayod sa mga kinatumyan sa yuta;+ Ilalom sa tibuok kalangitan siya nagasud-ong, 25  Aron sa pagtimbang sa hangin,+ Samtang iyang gibahin ang katubigan sumala sa sukod;+ 26  Sa dihang iyang gihatagan ug regulasyon ang ulan,+ Ug usa ka dalan ang dag-om sa bagyo nga inubanan ug dalugdog, 27  Mao kadtong higayona nga iyang nakita ang kaalam ug misaysay mahitungod niini; Siya nag-andam niini ug nag-usisa usab niini. 28  Ug siya nagkanayon sa tawo, ‘Tan-awa! Ang pagkahadlok kang Jehova—mao kana ang kaalam,+ Ug ang pagpahilayo gikan sa daotan mao ang pagsabot.’”+

Mga Footnote