Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 27:1-23

27  Ug si Job mipatugbaw pag-usab sa iyang panultihon+ ug nagkanayon:   “Ingon nga ang Diyos buhi,+ nga nagkuha sa akong paghukom,+ Ug ingon nga ang Labing Gamhanan buhi, nga nagpapait sa akong kalag,+   Samtang bug-os pa ang akong gininhawa sulod kanako, Ug ang espiritu sa Diyos ania sa mga buho sa akong ilong,+   Ang akong mga ngabil dili mosulti sa pagkadili-matarong Ug ang akong dila dili molitok sa limbong!   Halayo ra alang kanako nga ipahayag kamo nga matarong!+ Hangtod nga ako mamatay dili ko wad-on ang akong integridad+ gikan kanako!   Gikuptan ko ang akong katarong, ug dili ko kini buhian;+ Ang akong kasingkasing dili magtamay kanako sa tanan kong mga adlaw.+   Pasagdi nga ang akong kaaway mahimong daotan gayod,+ Ug ang nagaalsa batok kanako mahimong usa gayod ka mamumuhat ug daotan.   Kay unsa bay paglaom sa usa ka apostata kon siya iyang patyon,+ Kon kuhaon sa Diyos ang iyang kalag gikan kaniya?+   Dunggon ba sa Diyos ang iyang pagtuaw Kon ang kasakit modangat kaniya?+ 10  O diha sa Labing Gamhanan makakaplag ba siya ug tumang kalipay? Motawag ba siya sa Diyos sa tanang panahon? 11  Tudloan ko kamo pinaagi sa kamot sa Diyos; Kanang anaa sa Labing Gamhanan dili ko tagoan.+ 12  Tan-awa! Kamong tanan nakakitag mga panan-awon; Nan ngano man nga inyong gipakita ang inyong kaugalingon nga wala gayoy pulos?+ 13  Kini mao ang bahin sa tawong daotan gikan sa Diyos;+ Ug ang panulondon sa mga malupigon ilang madawat gikan sa Labing Gamhanan. 14  Kon modaghan ang iyang anak, kini alang sa espada;+ Ug ang iyang kaliwat dili makabaton ug igong pagkaon. 15  Ang mga magpabiling buhi kaniya igalubong panahon sa usa ka makamatay nga hampak, Ug ang ilang mga balo dili mohilak.+ 16  Kon siya magtigom ug plata sama sa abog, Ug siya mag-andam ug besti ingon sa yutang-kulonon, 17  Siya mag-andam, apan ang matarong mao ang magsul-ob,+ Ug ang inosente mao ang makabaton ug bahin sa plata. 18  Iyang gitukod ang iyang balay nga ingon lamang sa tangkob, Ug ingon sa balongbalong+ nga gihimo sa tigbantay. 19  Siya mohigda nga dato, apan walay matigom; Iyang gibuka ang iyang mga mata, apan walay bisan unsa.+ 20  Ingon sa mga tubig ang kalit nga mga kalisang makaapas kaniya;+ Sa gabii usa ka unos tino nga magadagit kaniya. 21  Usa ka hangin nga timog magpadpad kaniya+ ug siya mahilayo, Ug ituliyok siya niini palayo gikan sa iyang dapit.+ 22  Ug kini mohasmag kaniya ug dili maluoy;+ Gikan sa gahom niini siya maningkamot gayod sa paglayas.+ 23  May mopakpak sa iyang mga kamot kaniya+ Ug motaghoy+ kaniya gikan sa iyang dapit.

Mga Footnote