Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 2:1-13

2  Human niadto miabot ang adlaw sa dihang ang mga anak sa matuod nga Diyos misulod aron sa pag-atubang kang Jehova, ug si Satanas misulod usab uban kanila aron sa pag-atubang kang Jehova.+  Unya si Jehova miingon kang Satanas: “Diin ka ba gikan?” Niana si Satanas mitubag kang Jehova ug miingon: “Gikan sa pagsuroysuroy sa yuta ug sa paglibotlibot niini.”+  Ug si Jehova nagkanayon kang Satanas: “Imo bang gipunting ang imong kasingkasing kang Job nga akong alagad,+ nga walay usa nga sama kaniya sa yuta, usa ka tawo nga walay-ikasaway ug matul-id,+ mahadlokon sa Diyos+ ug naglikay sa daotan?+ Apan sa gihapon iyang ginahuptan ang iyang integridad,+ bisan pag imo akong giaghat+ batok kaniya sa paglamoy kaniya sa walay hinungdan.”+  Apan si Satanas+ mitubag kang Jehova ug miingon: “Panit alang sa panit, ug ang tanang butang nga anaa sa usa ka tawo iyang ihatag tungod sa iyang kalag.+  Ingon nga kausaban, palihog bakyawa ang imong kamot, ug tandoga hangtod ang iyang bukog ug ang iyang unod ug tan-awa kon dili ka ba niya tunglohon sa imong nawong mismo.”+  Busa si Jehova miingon kang Satanas: “Ania karon, siya anaa sa imong kamot! Bantayi lamang ang iyang kalag!”  Busa mipahawa si Satanas gikan sa atubangan ni Jehova+ ug gihampak si Job pinaagig grabeng mga hubag+ gikan sa lapalapa sa iyang tiil hangtod sa iyang alimpulo.  Ug siya mikuha ug usa ka bika nga iyang ikakagis sa iyang kaugalingon; ug siya naglingkod sa taliwala sa mga abo.+  Sa kataposan ang iyang asawa miingon kaniya: “Nagahupot ka ba gihapon sa imong integridad?+ Tungloha ang Diyos ug magpakamatay!” 10  Apan siya miingon kaniya: “Ikaw usab nagasulti ingon sa pagsulti sa usa sa mga babayeng walay buot.+ Modawat ba lamang kita sa maayo gikan sa matuod nga Diyos ug dili usab modawat sa daotan?”+ Niining tanan si Job wala makasala pinaagi sa iyang mga ngabil.+ 11  Ug tulo ka higala ni Job nakadungog mahitungod niining tanan nga katalagman nga midangat kaniya, ug sila miadto, ang matag usa gikan sa iyang kaugalingong dapit, si Elipaz nga Temanhon+ ug si Bildad nga Shuhanon+ ug si Zopar nga Naamahanon.+ Busa pinaagig sabot sila nagtagbo+ aron moadto ug sa pagduyog sa iyang kasubo ug sa paghupay kaniya.+ 12  Sa dihang ilang giyahat ang ilang mga mata gikan sa halayo wala sila makaila kaniya. Ug sila mipatugbaw sa ilang tingog ug midanguyngoy ug ang matag usa migisi+ sa iyang kupo nga walay bukton ug misaliyab ug abog sa langit ibabaw sa ilang mga ulo.+ 13  Ug sila nagpadayon paglingkod+ uban niya diha sa yuta pito ka adlaw ug pito ka gabii, ug walay usa nga misulti ug usa ka pulong kaniya, kay ilang nakita nga dako uyamot ang iyang kasakit.+

Mga Footnote