Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 19:1-29

19  Ug si Job mitubag ug miingon:   “Hangtod kanus-a nga kamo magpalagot sa akong kalag+ Ug magpahugno kanako pinaagi sa mga pulong?+   Niining napulo ka higayon kamo nagbadlong kanako; Kamo wala mangaulaw nga kamo nagmapig-oton pag-ayo kanako.+   Ug, tugotan ta nga ako nakahimog sayop,+ Sa akong kaugalingon magapabilin ang akong sayop.   Kon sa pagkatinuod kamo nagpasibantog batok kanako,+ Ug inyong gipakita nga ang akong kaulawan angay batok kanako,+   Nan, hibaloi ninyo nga gipahisalaag ako sa Diyos, Ug ang iyang pukot sa pangayam gilukob kanako.+   Tan-awa! Ako nagpunay ug tuaw, ‘Kadaot!’ apan wala ako tubaga;+ Ako nagasigeg tuaw alang sa tabang, apan walay hustisya.+   Ang akong agianan mismo iyang gialihan ug paril nga bato,+ ug ako dili makaagi; Ug ang kangitngitan iyang gibutang sa akong mga dalan.+   Gihukasan niya ako sa akong himaya,+ Ug iyang gikuha ang purongpurong sa akong ulo. 10  Iya akong gitumpag sa tanang kiliran, ug ako mibiya; Ug iyang giluka ang akong paglaom ingon sa usa ka kahoy. 11  Ang iyang kasuko miinit usab batok kanako,+ Ug ako padayon niyang giisip ingon nga iyang kaaway. 12  Ang iyang mga kasundalohan nagkahiusang nangabot ug nagtambak sa ilang dalan batok kanako,+ Ug sila nagkampo libot sa akong tolda. 13  Ang akong mga igsoon iyang gipahilayo kanako,+ Ug ang mga nakaila kanako milikay na gani kanako. 14  Ang akong suod nga mga kaila nahanaw na,+ Ug kadtong mga nailhan ko nahikalimot na kanako, 15  Kadtong nagapuyo ingon nga mga langyaw sa akong balay;+ ug ang akong mga ulipong babaye nag-isip kanako ingon nga estranyo; Ako nahimong tinuod nga langyaw sa ilang mga mata. 16  Mitawag ako sa akong alagad, apan wala siya motubag. Pinaagi sa akong baba ako nagpadayon pagpakiluoy kaniya. 17  Ang akong gininhawa nahimong makaluod sa akong asawa,+ Ug ako nahimong baho ngadto sa mga anak sa tiyan sa akong inahan. 18  Labot pa ang mga batang lalaki nagsalikway kanako;+ Kon motindog ako, sila mosugod sa pagsulti batok kanako. 19  Ang tanan sa akong suod nga pundok nagdumot kanako,+ Ug kadtong kinsa akong gihigugma nakigbatok na kanako.+ 20  Ang akong mga bukog mitapot gayod sa akong panit ug sa akong unod,+ Ug ako nakalingkawas nga ingon lamang sa panit sa akong ngipon. 21  Pakitai akog pabor, pakitai akog pabor, Oh kamong akong mga higala,+ Kay ang kamot sa Diyos nagtandog kanako.+ 22  Ngano man nga kamo kanunayng nagalutos kanako ingon sa ginabuhat sa Diyos,+ Ug wala matagbaw sa akong unod mismo? 23  Oh nga gisulat unta karon ang akong mga pulong! Oh nga nakudlit unta sila sa usa ka basahon! 24  Pinaagi sa dagang nga puthaw+ ug pinaagi sa tingga, Oh nga nakulit unta sila diha sa bato hangtod sa kahangtoran! 25  Ug ako nahibalo pag-ayo nga ang akong manunubos+ buhi, Ug nga, sunod kanako, siya motindog+ sa ibabaw sa abog. 26  Ug tapos sa akong panit, nga ilang gipanit,—kini! Bisan pag naut-ot ang akong unod matan-aw ko ang Diyos, 27  Kinsa akong matan-aw gayod alang sa akong kaugalingon,+ Ug nga makita gayod sa akong mga mata, apan dili sa usa ka estranyo. Ang akong mga rinyon mihunong na sa kahiladman ko. 28  Kay kamo nagaingon, ‘Nganong kita nagpadayon paglutos+ kaniya?’ Sa dihang ang gamot sa maong butang hikaplagan diha kanako. 29  Kahadloki ninyo ang espada,+ Kay ang espada nagkahulogan sa pagkaaligutgot batok sa kasaypanan, Aron kamo mahibalo nga adunay usa ka maghuhukom.”+

Mga Footnote