Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 18:1-21

18  Ug si Bildad nga Shuhanon mitubag ug miingon:   “Hangtod kanus-a ba nga inyong hunongon ang mga pulong? Sabta ninyo, aron pagkahuman kami makasulti.   Nganong pagaisipon man kami nga mga mananap+ Ug isipon nga mahugaw sa inyong panan-aw?   Iyang gikuniskunis ang iyang kalag sa iyang kasuko. Biyaan ba ang yuta tungod kanimo, O ang bato ba mopahilayo gikan sa iyang dapit?   Ang suga usab sa mga daotan pagapalongon+ Ug ang aligato sa iyang kalayo dili modan-ag.   Ang kahayag mongitngit gayod sulod sa iyang tolda,+ Ug sulod niini ang iyang lampara pagapalongon.   Ang mga lakang sa kabaskog mahimong pinugngan. Bisan ang iyang tambag magapahulog kaniya.+   Tungod kay pinaagi sa iyang mga tiil siya mahisulod sa pukot, Ug sa usa ka ginambat siya molakaw.+   Usa ka bitik magasakmit kaniya sa tikod;+ Usa ka lit-ag+ magagapos kaniya. 10  Usa ka pisi ang gitago alang kaniya diha sa yuta, Ug usa ka bitik diha sa iyang agianan. 11  Sa tibuok palibot, ang kalit nga mga kalisang makapahadlok gayod kaniya,+ Ug magagukod kaniya duol sa iyang mga tiil. 12  Ang iyang kabaskog malunosan sa gutom, Ug ang katalagman+ andam sa paghimo kaniya nga magtakiang. 13  Ut-oton niini ang mga bahin sa iyang panit; Ang panganay sa kamatayon mokaon sa iyang mga kasway. 14  Ang iyang pagsalig pagalangkaton gikan sa iyang tolda+ Ug palakton siya niini ngadto sa hari sa mga kalisang. 15  Adunay dili iyaha nga mahimutang sa iyang tolda; Ang asupre+ igasabulak ibabaw sa iyang puloy-anang dapit. 16  Sa ilalom, ang iyang mga gamot mauga,+ Ug, sa ibabaw, ang iyang sanga malaya. 17  Ang paghisgot kaniya tinong mahanaw gikan sa yuta,+ Ug siya wala unyay ngalan diha sa dalan. 18  Ilang itulod siya gikan sa kahayag ngadto sa kangitngitan, Ug gikan sa mabungahong yuta ila siyang abogon. 19  Siya dili makabaton ug mga kaliwat ug mga anak taliwala sa iyang katawhan,+ Ug walay magpabiling buhi sa dapit nga gipuy-an niya ingon nga langyaw. 20  Sa iyang adlaw ang katawhan sa Kasadpan motutok gayod sa kahibulong, Ug ang pagkurog mohakgom gayod bisan sa katawhan sa Sidlakan. 21  Apan kini sila mao ang mga balongbalong sa mamumuhat ug daotan, Ug kini mao ang dapit sa wala makaila sa Diyos.”

Mga Footnote