Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Job 16:1-22

16  Ug si Job mitubag ug miingon:   “Nakadungog ako ug daghang butang nga ingon niini.Kamong tanan maoy samokan nga mga maghuhupay!+   Aduna bay kataposan sa kawang nga mga pulong?+O unsa bay nakapalagot kanimo, nga ikaw mitubag man?   Ako usab maayong manulti ingon kaninyo.Kon ang inyong mga kalag ania pa unta sa dapit sa akong kalag,Ako ba magmaalamon sa mga pulong batok kaninyo,+Ug ilingolingo ko ba ang akong ulo batok kaninyo?+   Lig-onon ko kamo pinaagi sa mga pulong sa akong baba,+Ug ang paghupay sa akong mga ngabil makapuypoy—.   Kon ako mosulti, ang akong kasakit dili mahupay,+Ug kon ako mohunong sa pagbuhat sa ingon, unsay mawala kanako?   Apan karon iya akong gipaluya;+Iyang gihimong alaot ang tanang nagkatigom uban nako.   Gigunitan mo usab ako. Nahimo kining usa ka saksi,+Mao nga ang akong kaniwang mitindog batok kanako. Sa akong atubangan kini nagapamatuod.   Ang iyang kasuko nagkuniskunis kanako, ug siya naghambin ug kaaligutgot+ batok kanako.Iyang gipakagot ang iyang mga ngipon batok kanako.+Ang akong kaaway nagapahait sa iyang mga mata batok kanako.+ 10  Ilang ginganga pag-ayo ang ilang baba batok kanako,+Uban sa pakaulaw ilang gisagpa ang akong mga aping,Sila nagtigom nga daghan kaayo batok kanako.+ 11  Ang Diyos nagtugyan kanako ngadto sa mga batang lalaki,Ug ngadto sa mga kamot sa mga daotan siya nagsalibay kanako.+ 12  Hayahay ako, apan iya akong gisamok pag-ayo;+Ug iya akong gikuptan sa tangkugo ug iya akong gilambos,Ug iya akong gihimo nga iyang ig-onon. 13  Ang iyang mga magpapana+ naglibot kanako;Iyang gipikas ang akong rinyon+ ug wala mobatig kaluoy;Iyang gibubo ang akong apdo diha sa yuta. 14  Siya nagabuslot kanako sa daghang gawang;Siya mihasmag kanako sama sa usa nga gamhanan.+ 15  Gitahi ko ang sakong panapton+ ibabaw sa akong panit,Ug gitugsok ko ang akong sungay sa abog.+ 16  Ang akong nawong namula sa paghinilak,+Ug sa tabontabon sa akong mga mata adunay mabagang kangiob,+ 17  Bisan tuod walay kadaotan nga nabuhat sa akong mga kamot,Ug ang akong pag-ampo lunsay.+ 18  Oh yuta, ayaw taboni ang akong dugo!+Ug ayaw hatagig luna ang akong pagtuaw! 19  Usab karon, tan-awa! anaa sa kalangitan ang usa nga nagapamatuod labot kanako,Ug ang akong saksi anaa sa kahitas-an.+ 20  Ang akong mga higala maoy mga tigpamaba batok kanako;+Ngadto sa Diyos nagtan-aw ang akong mata nga walay kukatulog.+ 21  Ug ang paghukom himoon tali sa tawo nga lig-on ug lawas ug sa Diyos,Sama sa tali sa anak sa tawo ug sa iyang isigkatawo.+ 22  Kay pipila na lang ka tuig ang moabot,Ug ako mopanaw agi sa dalan diin dili na ako mobalik.+

Mga Footnote