Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 14:1-22

14  “Ang tawo, nga natawo sa usa ka babaye,+ Mubo ug kinabuhi+ ug tugob sa kasamok.+   Sama sa usa ka bulak siya mobuswak ug pagaputlon,+ Ug siya mokalagiw sama sa landong+ ug dili magadayon.   Oo, imong gibuka ang imong mata kaniya, Ug ako imong gidala ngadto sa paghukom+ uban kanimo.   Kinsa ang makapatungha ug mahinlo gikan sa usa nga mahugaw?+ Walay usa.   Kon ang iyang mga adlaw natino na,+ Ang gidaghanon sa iyang mga bulan anaa kanimo; Ikaw naghimo ug usa ka mando alang kaniya aron siya dili makalapas.   Ilingiw mo ang imong pagsud-ong kaniya aron siya makapahulay,+ Hangtod nga makakaplag siya ug kahimuot ingon sa usa ka sinuholang mamumuo sa iyang adlaw.   Kay bisan ang usa ka kahoy adunay paglaom. Kon kini putlon, kini moturok pag-usab,+ Ug ang gamayng sanga niini dili mahanaw.   Kon ang gamot niini magulang na diha sa yuta Ug ang tuod niini mamatay diha sa abog,   Sa baho sa tubig kini moturok+ Ug kini mananga gayod sama sa usa ka bag-ong tanom.+ 10  Apan ang usa ka tawo nga lig-on ug lawas mamatay ug magbuy-od nga nabuntog; Ug ang usa ka yutan-ong tawo mabugtoan sa gininhawa, ug hain na man siya?+ 11  Ang katubigan mahanaw gikan sa dagat, Ug ang suba mohubas ug momala.+ 12  Ang tawo usab mohigda ug dili na mobangon.+ Hangtod nga mawala na ang langit sila dili mahigmata,+ Ni sila mapukaw sa ilang pagkatulog.+ 13  Oh nga sa Sheol imo unta akong tagoan,+ Nga imo unta akong ibutang sa tago hangtod nga ang imong kasuko motalikod, Nga imo unta akong tagalan ug panahon+ ug hinumdoman ako!+ 14  Kon ang usa ka tawo nga lig-on ug lawas mamatay, mabuhi ba siya pag-usab?+ Paaboton nako ang tanang adlaw sa akong pinugos nga trabaho,+ Hangtod moabot ang akong kahupayan.+ 15  Ikaw motawag, ug ako motubag kanimo.+ Kay ikaw mangandoy sa buhat sa imong mga kamot. 16  Kay sa pagkakaron ikaw nagpunay ug ihap sa akong mga lakang;+ Wala kay laing gibantayan kondili ang akong sala.+ 17  Ang akong kalapasan gibaligtosan sulod sa usa ka puntil,+ Ug gipahiran mo ug papilit ang akong kasaypanan. 18  Apan, ang usa ka bukid nga nagakatumpag, mawagtang, Ug bisan ang usa ka bato mabalhin gikan sa iyang dapit. 19  Ang tubig magahilis gayod bisan sa mga bato; Ang iyang pagbuhagay magabanlas sa abog sa yuta. Sa ingon imong gigun-ob ang paglaom sa may-kamatayong tawo. 20  Ikaw magabuntog kaniya hangtod sa kahangtoran mao nga siya mobiya;+ Ikaw magadaot sa iyang nawong mao nga ikaw magapalakaw kaniya. 21  Ang iyang mga anak gipasidunggan, apan siya wala mahibalo niana;+ Ug sila nahimong ubos, apan siya wala magtagad kanila. 22  Ang iyang unod lamang samtang kini anaa kaniya magpadayon sa pag-ul-ol, Ug ang iyang kalag samtang kini anaa kaniya magpadayon sa pagbangotan.”

Mga Footnote