Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 13:1-28

13  “Tan-awa! Ang akong mata nakakita niining tanan, Ang akong igdulungog nakadungog ug nagtagad niini.   Ang inyong nahibaloan akong nahibaloan usab pag-ayo; Ako dili ubos kay kaninyo.+   Hinunoa, ako, sa akong bahin, makapakigsulti unta sa Labing Gamhanan,+ Ug sa pagpakiglantugi sa Diyos makakaplag unta ako ug kahimuot.   Sa laing bahin, kamo mga tigduhig sa kabakakan;+ Kamong tanan mga mananambal nga walay bili.+   Kon maghilom na lang unta kamo sa hingpit, Aron kana mahimong inyong kaalam!+   Palihog, paminawa ang akong mga kontra-argumento,+ Ug patalinghogi ang mga pangamuyo sa akong mga ngabil.   Mosulti ba kamo ug dili-matarong alang sa Diyos, Ug alang kaniya kamo ba mosulti ug limbong?+   Magapihigpihig+ ba kamo batok kaniya, O makigburoka ba kamo dapig sa matuod nga Diyos?   Maayo ba nga siya mosusi kaninyo?+ O ingon sa usa nga nagatiawtiaw sa usa ka may-kamatayong tawo kamo ba magatiawtiaw kaniya? 10  Siya tino nga magbadlong kaninyo+ Kon kamo sa tago magpihigpihig;+ 11  Dili ba makapahadlok kaninyo ang iyang dignidad, Ug ang pagkalisang kaniya modangat kaninyo?+ 12  Ang inyong halandomong mga pulong maoy mga panultihon nga abo; Ang mga pabugdo sa inyong taming maoy ingon sa mga pabugdo sa taming nga yutang-kulonon.+ 13  Paghilom kamo sa akong atubangan, aron ako makasulti. Unya ipadangat kanako ang bisan unsa! 14  Nganong tangagon ko man ang akong unod sa akong mga ngipon Ug ibutang ang akong kalag sa akong kamot?+ 15  Bisan pa kon iya akong patyon, dili ba ako maghulat?+ Makiglantugi lamang ako sa iyang atubangan alang sa akong mga dalan. 16  Siya mao usab ang akong kaluwasan,+ Kay sa atubangan niya walay mosulod nga apostata.+ 17  Paminawa ninyo pag-ayo ang akong mga pulong,+ Ug ang akong ipahayag ibutang sa inyong mga igdulungog. 18  Tan-awa! Palihog, ako nagpresentar ug usa ka kaso nga husayonon;+ Ako nahibalo pag-ayo nga ako husto. 19  Kinsa man ang makigtigi kanako?+ Kay kon sa pagkakaron ako maghilom mabugtoan gayod ako sa gininhawa! 20  Duha lamang ka butang ayaw pagbuhata kanako; Sa ingon niana dili ako motago gumikan kanimo;+ 21  Ipahilayo ang imong kamot gikan kanako, Ug ang pagkalisang kanimo—dili unta kana makapahadlok kanako.+ 22  Tawag aron ako motubag kanimo; O makasulti ba ako, ug ikaw motubag kanako. 23  Sa unsang paagi nga ako may kasaypanan ug mga sala? Pahibaloa ako sa akong pagsukol ug sa akong sala. 24  Ngano man nga gitago mo ang imong nawong+ Ug giisip ako ingon nga imong kaaway?+ 25  Pakurogon mo ba ang usa lamang ka dahon nga gipadpad, O magpadayon paggukod sa usa lamang ka dagami nga laya? 26  Kay ikaw nagpadayon pagsulat ug mapait nga mga butang batok kanako+ Ug imong gipaangkon kanako ang mga sangpotanan sa kasaypanan sa akong pagkabatan-on.+ 27  Gibutang mo usab ang akong mga tiil sa sepohan,+ Ug imong gibantayan ang tanan kong alagianan; Ikaw naglatid sa imong linya alang sa mga lapalapa sa akong mga tiil. 28  Ug siya samag dunot nga butang nga matata;+ Sama sa usa ka besti nga ginakutkot sa tangkob.+

Mga Footnote