Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 12:1-25

12  Ug si Job mitubag ug miingon:   “Sa tinuod kamo mao ang katawhan, Ug ang kaalam mamatay uban kaninyo!+   Ako usab adunay kasingkasing+ sama kaninyo. Ako dili ubos kaninyo,+ Ug kinsa man ang walay ingon niini nga mga butang?   Ako nahimong kataw-anan sa iyang isigkatawo,+ Usa nga nagatawag sa Diyos aron siya motubag kaniya.+ Gihimong kataw-anan ang matarong, ang walay-ikasaway.   Diha sa hunahuna, gitamay sa tawo nga walay kabalaka ang pagkalaglag;+ Giandam kini alang niadtong kansang mga tiil nagkurogkurog.+   Ang mga tolda sa mga tulisan walay kabalaka,+ Ug kadtong nagpapungot sa Diyos may kahilwasan Nga iya niadtong nagdala ug usa ka diyos sa iyang kamot.+   Apan, palihog, pangutan-a ang binuhing mga hayop, ug sila motudlo kanimo;+ Ug ang pak-an nga mga linalang sa kalangitan, ug sila mosugilon kanimo.+   O ipakita ang imong pagtagad sa yuta, ug kini motudlo kanimo;+ Ug ang mga isda sa dagat+ mopahayag niini kanimo.   Kinsa niining tanan ang wala mahibalo pag-ayo Nga ang kamot ni Jehova maoy nagbuhat niini,+ 10  Sa kang kansang kamot anaa ang kalag+ sa tanan nga buhi Ug ang espiritu sa tanang unod sa tawo?+ 11  Dili ba ang igdulungog magasusi sa mga pulong+ Ingon nga ang alingagngag+ magatilaw sa pagkaon? 12  Dili ba ang kaalam anaa sa mga tigulang+ Ug ang pagsabot anaa sa kataas sa mga adlaw? 13  Kaniya anaa ang kaalam ug pagkagamhanan;+ Ang tambag ug ang pagsabot anaa kaniya.+ 14  Tan-awa! Siya nagalumpag, aron walay pagpanukod;+ Iya kining gisirhan sa tawo, aron kini dili mabuksan.+ 15  Tan-awa! Iyang butangan ug pugong ang katubigan ug sila mamala;+ Ug siya magapadala kanila, ug sila magausab sa yuta.+ 16  Kaniya anaa ang kusog ug ang praktikal nga kaalam;+ Iya ang nakahimog sayop ug ang nagpahisalaag;+ 17  Ang mga magtatambag iyang gipalakaw nga nagtiniil,+ Ug gihimo niyang buangbuang ang mga maghuhukom. 18  Ang mga gapos sa mga hari iyang gibadbad,+ Ug iyang gibaksan ang ilang mga balat-ang. 19  Ang mga saserdote iyang gipalakaw nga nagtiniil,+ Ug iyang ginapukan ang mga permanenteng naglingkod;+ 20  Iyang giwagtang ang katakos sa pagsulti gikan sa mga matinumanon, Ug ang salabotan sa mga tigulang iyang gikuha; 21  Siya nagbubo ug pagtamay nganha sa mga hamili,+ Ug ang bakos sa mga gamhanan iyang gipahuyang; 22  Siya nagpadayag sa lawom nga mga butang gikan sa kangitngitan,+ Ug ang mabagang kangiob iyang gidala sa kahayag; 23  Nga nagpadako sa kanasoran, aron iyang malaglag sila;+ Nga nagkatag sa kanasoran, aron iyang madala sila sa halayo; 24  Nga nagkuha sa kasingkasing sa mga pangulo sa katawhan sa yuta, Aron iyang himoon nga sila maglatagaw sa kamingawan,+ diin walay dalan. 25  Sila magapangapkap sa kangitngitan,+ diin walay kahayag, Aron iyang himoon nga sila maglaaglaag ingon sa usa ka tawong hubog.+

Mga Footnote