Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 11:1-20

11  Ug si Zopar nga Naamahanon+ mitubag ug miingon:   “Pasagdan ba lamang nga dili-matubag ang daghang mga pulong, O mahimo bang husto ang usa lang ka tigpanghambog?   Makapahilom ba sa mga tawo ang imong walay-pulos nga sulti, Ug magpadayon ka ba sa pagyubit nga walay magabadlong kanimo?+   Labot pa, ikaw nagaingon, ‘Ang akong pagtulon-an+ lunsay, Ug hinlo gayod ako+ sa imong mga mata.’   Apan kon mosulti pa lamang unta ang Diyos Ug magabuka sa iyang mga ngabil kanimo!+   Nan iyang isulti kanimo ang mga tinago sa kaalam, Kay daghan ang mga butang labot sa praktikal nga kaalam. Labot pa, imong mahibaloan nga gitugot sa Diyos nga hikalimtan ang uban nimong kasaypanan.+   Makatugkad ka ba sa lawom nga mga butang sa Diyos,+ O makatugkad ka ba sa kinutbanan gayod sa Labing Gamhanan?   Hataas pa kini kay sa langit. Unsay arang mong mahimo? Halawom pa kini kay sa Sheol.+ Unsay arang mong mahibaloan?   Ang sukod niini taas pa kay sa yuta, Ug lapad pa kay sa dagat. 10  Kon siya mopadayon ug magtugyan sa usa ka tawo Ug magpatigom sa husgado, nan kinsay makapugong kaniya? 11  Kay siya nakaila pag-ayo sa mga tawo nga dili matinud-anon.+ Sa dihang iyang makita kon unsay makadaot, dili ba usab siya magtagad? 12  Bisan ang usa ka tawong walay kabuot makabaton ug maayong tuyo Sa dihang ang usa ka samag-asno nga sebra ipanganak ingon nga usa ka tawo. 13  Kon sa pagkatinuod ikaw mag-andam sa imong kasingkasing Ug magabayaw sa imong mga kamot ngadto kaniya,+ 14  Kon ang makadaot anaa sa imong kamot, ipahilayo kana, Ug ayaw papuy-a sa imong mga tolda ang pagkadili-matarong. 15  Kay sa ingon imong iyahat ang imong nawong nga walay-ikasaway+ Ug ikaw tinong malig-on, ug ikaw dili mahadlok. 16  Kay ikaw—ikaw mahikalimot sa kasamok; Ingon sa mga tubig nga milabay ikaw mahinumdom niana. 17  Ug ang gidugayon sa imong kinabuhi+ mohayag nga labi pa kay sa kaudtohon; Ang kangitngit mahisama sa kabuntagon.+ 18  Ug ikaw mosalig gayod tungod kay aduna may paglaom; Ug ikaw motan-aw pag-ayo sa palibot—ikaw mohigda sa kasegurohan.+ 19  Ug sa pagkatinuod ikaw magahigda, nga walay usa nga magpakurog kanimo. Ug daghang tawo ang magpalumo sa imong buot;+ 20  Ug ang mga mata sa mga daotan moawop;+ Ug ang usa ka dapit nga makalagiwan mahanaw gikan kanila,+ Ug ang ilang paglaom mao ang pagkabugto sa gininhawa sa kalag.”+

Mga Footnote